A Liga Feminina 2 pecha na xornada 12 a primeira volta. Antes do parón de Nadal, haberá partido entre galegos: Arxil – AD.Cortegada. Por parte das viguesas, o Celta viaxa ata Asturias a xogar contra o ADBA. E as ferrolás do Baxi, porán rumbo a terras leonesas para se enfrontar ao Patatas Hijolusa.
Duelo de rivalidade galega solidario en Pontevedra
Acabar coas derrotas é o primordial para o Arxil. Este sábado (21 de decembro ás 19.30 horas) recibe no estadio da Xuventuve o AD Cortegada. As de Pontevedra loitarán por levarse o último partido do ano ante a súa afección neste enfrontamento entre galegas.
Desde o 9 de novembro, o conxunto pontevedrés non consegue a vitoria. Foi na casa ante o Añares Rioja. Os dous últimos partidos xogados en Navia perderon.
As de Maite Méndez queren pechar o 2019 ante o seu público cun bo sabor de boca. Teñen dúas baixas para esta semana. Natalia López e Violeta Crespo, por unha torcedura no xeonllo.
Por parte do cadro arousá veñen de gañarlle o Pozuelo na casa. Están empatadas con as lerenses. Pero as de Rubén Dominguez son antepenúltimas. A baixa máis importante é a de Sara Gómez.
O encontro será solidario. Farán unha recollida de alimentos en colaboración con Redeaxuda do concello de Pontevedra. A entrada será gratuita se levan un alimento non perecedoiro.
DATOS DE INTERESE
CAMPO: Pavillón do C.G.T.D., o estadio da Xuventude (Pontevedra).
ÁRBITROS: Elio Claveria Sánchez e Andrés Esteban Domínguez.
O Celta non pasa pola súa mellor racha
Asturias é a última parada nesta primeira fase da competición para o Celta Zorka Recalvi. O Complexo Deportivo de Avilés acollerá o partido da xornada 12 (sábado 21 de decembro ás 20.00 horas) entre el ADBA e as celestes.
As xogadoras que dirixe Cristina Cantero perderon os dous encontros na semana anterior. O aprazado da xornada sete, contra o Pacisa Alcobendas e o correspondente a xornada desa semana que foi contra do Ynsadiet Leganés. A última vitoria colleitárona contra o Sinergia Real Canoe. Agora mesmo están situadas na sétima posición da Liga Feminina 2.
Seu rival, o ADBA é penultimo da táboa. A favor das viguesas pesará que levan dez derrotas consecutivas. A primeira e última vitoria, foi na xornada 1, ante o Pozuelo. Aínda así, xogan na casa e non llo podrán nada sinxelo as de Vigo.
DATOS DE INTERESE
CAMPO: Complexo deportivo de Avilés (Asturias).
ÁRBITROS: Omar González Fernández e Adrián Pérez Martínez.
O Baxi Ferrol buscará pechar a primeira volta cunha vitoria
Tralo malo trago pasado da semana pasada, o Baxi Ferrol volve á pista. Esta vez en León. O rival a batir na Liga Feminina 2 (sábado 21 de decembro ás 19.30 horas) será o Patatas Hijolusa. No pavillón San Esteban.
As de Lino López quedaron ás portas de ser campioas de inverno da liga. O Movistar Estudiantes púxollo difícil na Malata. O intentaron ata os últimos minutos pero as madrileñas foron superiores. Aínda así, seguen estando aí arriba. Son terceiras na táboa da Liga Feminina 2. Polo que teñen que seguir soñando cos play offs.
O conxunto dirixigo por Beatriz Pacheco, as rivais, tamén perderon a xeira anterior. Como as ferrolás, foi contra un equipo madrileño. O Pacisa Alcobendas por 89 a 62. Agora mesmo son octavas. Encontráse empatadas a puntos (tamén a vitorias e derrotas) co Celta Zorka Recalvi.
DATOS DE INTERESE:
CAMPO: Pavillón San Esteban (León)
ÁRBITROS: Pedro Luis Aguado Múñiz e Álvaro Cubero Rodríguez.
