Na vindeira tempada a finlandesa Anniina Äijänen non competirá co BAXI Ferrol. A pivote deixa o club galego despois de dúas tempadas vestindo a súa camiseta.
Despois de comprometerse a devolver ao equipo á LF Endesa, na súa renovación da pasada campaña, a 21 do equipo ferrolán deixa o club na máxima categoría.
A internacional con Finlandia deixa Ferrol despois dun curso no que puido disputar a competición regular e a fase de ascenso. Na primeira obtivo unha media valorativa de 11,4 puntos, mellorando en catro a súa marca da tempada anterior.
As cifras de Äijänen co BAXI Ferrol
Äijänen puido competir en total en 44 partidos de liga e tres da fase final, acumulando co BAXI Ferrol case 900 minutos e máis de 300 puntos. Neste último curso, a pivote destacou principalmente desde o tiro libre, cunha media de acerto do 70,6% na competición regular, e un 68,7% nos tiros de dous. Ao longo de todo o curso acadou un total de 111 rebotes para o equipo da cidade departamental.
Hoy nos toca despedida.
Tras dos grandísimas temporadas, en las que ha hecho eso tan difícil de dar siempre lo mejor en beneficio del equipo, Anniina Äijänen no estará en el BAXI Ferrol de #LFEndesa.
Kiitos paljon ja onnea!#familiaUniFerrol pic.twitter.com/CcPNM2zRTN
— Baxi Ferrol (@UniFerrol) May 13, 2021
