A futbolista de Sabadell Anna Escribano correrá a banda polo Poio Pescamar un ano máis, o cuarto en total e terceiro consecutivo. “As boas sensacións deixadas en cada partido, así como os oito goles marcados na pasada liga, dan fe da súa calidade e do prometedor futuro que ten”, apuntan desde a entidade conserveira sobre Anna Escribano.
Pola contra, Dani Sousa vaise do Poio Pescamar. “O que asemellaba que nunca sucedería, chegou. A nosa capitá
decidiu cambiar o seu rumbo en busca de novos desafíos, pero aquí sempre terá a súa casa”, comunicaban desde o club vermello.
A pivote brasileira de 33 anos, gañadora de dúas Copas Galicia connosco, marcou 16 goles na pasada campaña: 14 en liga, 1 en Copa da Raíña e 1 en Copa Galicia.
Tal e como explican desde o Poio Pescamar, Dani Sousa “foi unha referencia na pista e fóra dela dende que arribou na entidade, en abril de 2018, demostrando unha tremenda profesionalidade”.
