Ourense acollía esta fin de semana o Campionato de España Infantil de karate. Na cita, a deportista galega Ángela Buíde Vilariño, da Escola Deportiva Shihan de Lugo, obtivo a medalla de bronce en Kata Benxamín Feminino, segundo informa a Federación Galega de Karate.
Por outro lado, neste Campionato de España Infantil celebrado en Ourense, Alejandra Couce Bacelo (ESK Narón) e Uxía Folgueira González (Escola Deportiva Shihan), tamén chegaron a disputar a medalla de bronce en kumite alevín -32 kg. e infantil -42 kg, respectivamente, aínda que se deberon conformar cun meritorio 5º posto na clasificación final.
