O Campionato Galego Libre Nacional de patinaxe artística celebrouse en Ribeira, abranguendo as categorías de cadete a sénior. O evento, celebrado no pavillón de Sirves e organizado polo CP Ribeira, deixou como vencedora na máxima categoría a Andrea López, do CPA Gondomar.
A patinadora pontevedresa colgouse o ouro na proba de Free Skating Ladies Seniors, vencendo a Manuela Vila, do coruñés CP Maxia, e a Enya Rodríguez, do tamén coruñés CP Alquimia, quenes pecharon o podio. Na categoría masculina o Gondomar sumou outro ouro da man de Javier Martínez.
En nivel cadete, o premio foi para o CP Maxia grazas á actuación de María Grela, que lle mereceu a primeira posición. En segundo lugar rematou Daniela Seira, do CP Ribeira, e Antía Lourido, do CPA Agora finalizou co bronde.
Na proba masculina deste Campionato Galego Libre, o patinador Unai Cereijo, do CP Maxia, proclamouse vencedor. Finalmente, Jorge Noya, do CP Ribeira, obtivo o ouro no Free Skating Men en categoría Youth.
