O Club Baloncesto Arxil anunciou a renovación da escolta montenegrina Andrea Glomazic, na que será a súa segunda tempada no C.B. Arxil.
Con esta contratación continúa o C.B. Arxil dando forma ao seu equipo para a nova tempada en Liga Feminina 2 e xa conta nas súas filas cunha nova xogadora para o próximo curso froito da renovación da montenegrina Andrea Glomazic, de 22 anos e que xoga de escolta e de beirado e é moi versátil no seu xogo.
Andrea Glomazic non tivo un papel importante xa que lle custou entrar no ritmo e no xogo do equipo, pero o corpo técnico do C.B. Arxil ten fe cega na xogadora e están convencidos que este será o seu ano.
No transcurso da tempada 22-23 cunha media de 4.3 puntos (con porcentaxe de 31,4% en tiros de dous, 20,6% en tiros de tres e 77,8% en tiros libres),en 14 ,15minutos por partido.
A carreira da escolta do C.B. Arxil comezou no seu país de orixe para continuar despois en Italia e en Croacia e segue agora en Pontevedra.
Desde o C.B. Arxill describen a Andrea Glomazic como unha xogadora “explosiva sobre a pista, que non fuxe da responsabilidade e que sabe apoiarse nas súas compañeiras á hora de xogar e tomar decisións co balón, destacando o seu gran xogo colectivo”.
Andrea Glomazic: “Quero darlle a miña enerxía o Arxil”
A propia escolta destaca, tras confirmarse a súa fichaxe polo club verde, que o que quere é “darlle un aire atrás coa miña enerxía” e defínese como unha xogadora “completa”, como unha “gran loitadora e traballadora que sempre quere demostrar a súa valía” e que, ademais, espera poder “achegar variedade ao noso xogo”.
O conxunto pontevedrés segue traballando en renovacións e fichaxes tanto no conxunto de LF2 como no equipo de Primeira Nacional o Mafari Café que vai ter unha “profunda remodelación”, din.
