O BAXI Ferrol volve á LF Endesa pero o fará sen Andrea Boquete. A internacional arxentina deixa o club galego e non xogará na vindeira tempada, no regreso do equipo á máxima categoría do baloncesto español.
Actualmente, Boquete atópase concentrada coa súa Selección preparando a Americup. Na lista das arxentinas tamén está Julieta Mungo, xa ex xogadora do BAXI Ferrol.
A tempada de Boquete en cifras
A alero deixa a cidade departamental despois dunha tempada defendendo a camiseta do equipo universitario. Neste curso, Boquete puido competir en todos os partidos da liga regular, e tres da fase final, acumulando 264 puntos en total e máis de 600 minutos disputados.
Durante esta campaña, a arxentina foi a máxima reboteadora do club ferrolán na Liga, cunha media de 5,04 por partido. Tamén foi a cuarta baloncestista en asinar máis asistencias para as galegas, cunha media de 2,04 por encontro, e a segunda maxima taponadora, cun total de 8 tapóns a favor.
No apartado anotador, Boquete foi unha das mellores tiradoras de dous da categoría no grupo A, sendo a quinta mellor anotadora e a cuarta do BAXI Ferrol. No tiro de tres non se queda moi atrás, e entra no top 15, cunha media de acerto do 35,3%.
Con esta marcha, o club galego despídese dunha xogadora fundamental na consecución do ascenso.
21. ¡Qué clase! ¡Qué calidad!
Obviamente es el turno de @andreboquete. Eficiente en ambos lados de la pista, esta temporada nos ha dejado auténticas joyas de técnica individual y visión de juego.#29razones pic.twitter.com/IkTLhToM72
— Baxi Ferrol (@UniFerrol) April 18, 2021
