A Asociación Española contra o Cancro (AECC ) na súa delegación da Coruña informa de que o vindeiro domingo 21 de setembro terá lugar unha Andaina Solidaria en Irixoa contra o cancro.
A actividade ten prevista a súa saída ás 11:30 horas desde a Casa Consistorial de Irixoa. O percorrido será de 3.8 quilómetros e pasará por Irixoa, O Fieital, O Penedo, Portosmangos e volverá a Irixoa.
O prezo desta Andaina Solidaria contra o Cancro de Irixoa é de 5 € para adultos e 3€ para a cativada ata os 12 anos.
Segundo informan desde a AECC as inscricións poden realizarse ata o 19 de setembro no Concello de Irixoa ou na web En Marcha Contra o Cancro.
