Na fin de semana do 17 e 18 de abril, o aparcadoiro de O Burgo no Concello de Culleredo transformouse no escenario do Campionato Galego de Patinaxe de Velocidade, con múltiples categorías de prebenxamín a máster. Na de maior nivel, a de 5.000 puntos de máster, a campioa foi Ana Veiga.
A patinadora da A.D.C. Alquimia colgouse a medalla de ouro nesta proba, na que as patinadoras do Freestyle Vigo completaron a clasificación. En segundo lugar quedou María Elena Zamorano, en terceiro María Celeste Amaya e en cuarto Nikole Pérez.
En 3.000 puntos máster, competiron as mesmas patinadoras agás Amaya, seguindo a mesma orde, con Veiga como vencedora, seguida de Zamorano e Pérez. A orde cambiou en 1.000 liña máster, onde o Freestyle Vigo sumou un ouro con Zamorano como gañadora. Amaya quedou en segunda posición e Pérez pechou o podio.
As outras categorías do Campionato Galego de Patinaxe de velocidade
O torneo celebrado en O Burgo acolleu tamén máis categorías. En sénior, só competiron dúas patinadoras do C. Sada Patín: Ainhoa Owona e Jimena Rocha. Na proba de 15.000 eliminación, as patiandoras foron primeira e segunda respectivamente. En 1.000 puntos repetiron clasificación pero en 300 sprint dunha volta as posicións invertíronse, con Rocha como vencedora. En 100 metros o ouro volveu a ser para Owona.
No nivel júnior, de novo o Sada Patín dominou o Campionato Galego cun total de cinco patinadoras. En 15.000 eliminación, a campioa foi Andrea Pardo, seguida por Inés Leivas e con Laura Palmieiro en terceira posición. En 1.000 puntos, Pardo foi de novo a gañadora, con Lara García no posto de prata e Laura Palmieiro co bronce.
Ver esta publicación en Instagram
En 300 sprint dunha volta, o podio quedou da seguinte maneira: Andrea Pardo primeira, Alejandra Blas segunda e Inés Leivas terceira. En 100 metros a campioa foi Lara García, con Andrea Pardo en segunda posición e Inés Leivas pechando o podio.
En juvenil, o Sada Patín tamén acaparou as probas, con dúas patinadoras: Andrea Boedo, que foi ouro en 10.000 eliminación, 8.000 puntos, 300 sprint dunha volta e 100 metros; e Uxía Platas, prata nas mesmas probas.
