Ana Seguín Neto covértese no primeiro reforzo da Escola de Fútbol Feminina Rosalía, segundo informa o propio club. A centrocampista ourensá chega procedente dos Rockford Rams de Michigan e asinou contrato ata o 30 de xuño de 2022.
A futbolista Ana Seguín, de 17 anos, adoita actuar no centro do campo e destaca pola súa rapidez no pase, tiro e loita no corpo a corpo. Formada na canteira do conxunto ourensá do Cidade de As Burgas, a tempada pasada proclamouse campioa da Liga de Outono na Midewst Conference co seu equipo de High School.
Nas súas primeiras palabras como nova xogadora destacou a súa intención de seguir xogando ao fútbol logo de volver da súa etapa en Estados Unidos. “Ao chegar de EE.UU. quería seguir co fútbol e xa coñecía á EFF Rosalía por xente que me falou del moi ben. Entón decidinme por contactar con eles e fichar”, explicaba a deportista.
Para o presidente do EFF Rosalía, “Ana Seguín é unha xogadora que sabemos que vai aportar un plus, tanto en experiencia como en capacidade física, mellorando o grupo existen e aumentando a competitividad do persoal ao poder xogar en varias posicións”.
Tamayo, novo director do Fútbol Base da Escola de Fútbol Feminina Rosalía
