Desde o Balonmano Porriño anuncia a continuidade dunha xogadora importante para o club galego. Trátase de Ana Rodrigues ou tamén coñecida como Ana ‘Portu’. A deportista renova o seu compromiso co club de cara á próxima tempada na Liga Guerreiras Iberdrola.
Ana Rodrigues chegou ao club na tempada 2018/2019 e contounos porque decidiu renovar “decidín renovar porque estou moi contenta no club. Creo que quedarme outro ano ten sentido, xa que sigo crendo no proxecto e nas persoas que forman parte diso. Encántame a filosofía que teñen e a forma na que se preocupan polas persoas e iso para min é o máis importante para estar completamente feliz”.
Ana Rodrigues, xogadora do Conservas Orbe: “Decidín renovar porque estou moi contenta no club”
Ana tamén sinala o querida que sente dentro do club porriñés “sinto moi cómoda e moi querida por todo o mundo. Neste club aprendín a querer a moita xente dunha forma moi especial e esas persoas fanme sentir especial a min”.
Ana Rodrigues, xogadora do Conservas Orbe: “Neste club aprendín a querer a moita xente dunha forma moi especial e esas persoas fanme sentir especial a min”
Dada esta nova renovación Ismael Martínez, falounos un pouco dela “era unha prioridade a súa renovación, xa que é unha xogadora que nos achega moitísimo a nivel defensivo. Ademais, é unha deportista hiper competitiva e tennos que transmitir a todos ese nivel de competitividade para seguir crecendo”.
Ismael Martínez, Conservas Orbe: “Era unha prioridade a súa renovación, xa que é unha xogadora que nos achega moitísimo a nivel defensivo”
Segundo relata Ismael Martínez, no club do Porriño están “moi contentos de que siga formando parte disto e dun equipo que necesita das súas virtudes para crecer”. De cara á próxima tempada “esperamos que poida achegarnos tanto en ataque como en defensa”.
Ana Rodrigues, peza chave tamén para a base
Con respecto a Ana, o presidente do Club Balonmán Porriño, Abel Estévez, conta que é unha xogadora que “ten unha gran importancia para nós no sistema defensivo, é un referente”. Tamén sinalou a gran importancia que ten dentro do club “leva moitos anos connosco. Ana tamén é moi importante á hora de adestrar a equipos de base e levar escolas do club. É unha peza esencial en toda a nosa engrenaxe e esperamos que estea connosco moitos anos”.
Abel Estévez, presidente do BM Porriño: “Ana tamén é moi importante á hora de adestrar a equipos de base e levar escolas do club”
