A galega Ana Peleteiro acudiu á Diamond League, na competición celebrada este venres, 9 de xullo, en Mónaco, quedando cuarta clasificada na proba de triple salto.
A saltadora acadou os 14.57 metros, o que é o seu mellor resultado nunha Diamond League do World Athletics, achegándose á súa plusmarca nacional, situada nos 14.73.
En redes sociais, a atleta critica o novo sistema de puntuación dos saltos horizontais, “que me quitou a miña oportunidade de loitar por máis centímetros no último salto”.
O novo sistema, o ‘The Final 3‘, criticado por Carl Lewis, outorga a medalla de ouro á mellor saltadora no sexto intento, ao que só acceden as tres mellores das cinco oportunidades previas.
A galega prefire mirar adiante, insistindo en que “agora toca continuar traballando, porque o obxectivo segue a ser o mesmo. Vémonos en Toquio!”.
Ver esta publicación en Instagram
