Se hai pouco era a Xunta de Galicia a que distinguía á deportista galega Ana Peleteiro cunha Medalla Castelao que emocionou á triplista, agora é a Real Federación Española de Atletismo a que premia á do Barbanza. A RFEA vén de nomear a Peleteiro mellor atleta española feminina no ano 2019.
A primeira entrega de premios virtuais do atletismo español xa ten aos seus gañadores: Ana Peleteiro e Orlando Ortega, elixidos Mellores atletas de 2019. A primeira proclamouse campioa de Europa en pista cuberta en Glasgow. O segundo logrou o bronce Mundial en Doha. Deportivamente, 2019 foi un ano con grandes resultados para ambos. O colofón foi o recoñecemento como os Mellores Atletas españois de 2019.
Nunha cerimonia atípica, realizada de maneira virtual por mor da situación sanitaria actual, os Premios aos mellores de 2019 dividíronse en dúas entregas. Dous días, venres 17 e sábado 18 de xullo, nos que o atletismo español reuniuse dixitalmente para descubrir quen foron os mellores da tempada pasada. Dous días de recoñecementos ao magnífico traballo realizado polos diferentes estamentos durante a tempada 2019, según informa a Federación.
Por primeira vez nas súas respectivas carreiras, Ana Peleteiro e Orlando Ortega foron elixidos Mellores Atletas da tempada. En categoría masculina, os finalistas foron Javier Cienfuegos e Fernando Carro. En categoría feminina, as finalistas foron Esther Guerreiro e María Pérez.
O galego Adrián Ben, o mellor atleta SUB23 para a RFEA
En categoría sub23, os mellores de 2019 foron dous mozos que tamén cegaron en categoría absoluta, a nivel Mundial e Europeo: Adrián Ben e Celia Antón.
En categoría sub20, o premio aos mellores de 2019 foi para María Vicente e Yasiel Brayan Sotero, que en 2019 proclamáronse campións de Europa en heptatlón e disco respectivamente.
Por último, na categoría Mellor Atleta Xeración Atletismo, o premio foi para dous dos maiores talentos do noso atletismo: Salma Celeste Paralluelo e Ignacio Sáez.
A revelación dos mellores atletas de 2019 puxo o punto final á tempada máis longa do atletismo español. Unha tempada na que vivimos dez marcas nacionais, cuxos protagonistas tamén foron recoñecidos na primeira entrega dos #PremiosRFEA2019. Antonio Fontes e Fernando Martínez recibiron o premio José Luís Torres ao Mellor Adestrador e Mellor Adestrador “Xeración Atletismo”, o mellor club tanto en categoría masculina como feminina foi as Praias de Castelló e o premio á mellor Federación Autonómica foi para a Federación Catalá.
Raúl Chapado, presidente da RFEA, encomiou o traballo realizado por todos os estamentos: “Todos estes datos reflicten que o noso atletismo está en constante progresión, coa mirada posta en novas metas, con novos obxectivos e ambicións realistas. Os nosos atletas, cos seus valores e conviccións, son un exemplo de superación ante grandes retos e deben ser fonte de inspiración para todos. Debemos mirar cara ao futuro con valentía, confianza e a ilusión necesaria para fortalecer o noso deporte.”.
Listaxe completa dos mellores de 2019
- Mellor Atleta masculino: Orlando Ortega
- Mellor Atleta feminina: Ana Peleteiro
- Mellor Atleta masculino Sub 23: Adrián Ben
- Mellor Atleta feminina Sub 23: Celia Antón
- Mellor Atleta feminina Sub 20: María Vicente
- Mellor Atleta masculino Sub 20: Yasiel Brayan Sotero
- Mellor Atleta feminina “Xeración Atletismo”: Salma Celeste Paralluelo
- Mellor Atleta masculino “Xeración Atletismo”: Ignacio Sáez
- Mellor Federación: Federación Catalá de Atletismo
- Mellor Club Categoría Masculina: Playas de Castellón
- Mellor Club Categoría Feminina: Playas de Castellón
- Premio “José Luís Torres” Mellor Adestrador: Antonio Fontes
- Premio “José Luís Torres” Mellor Adestrador “Xeración Atletismo”: Fernando Martínez
- Mellor organizador de Meeting Pista Cuberta: Reunión Internacional “Villa de Madrid”
- Mellor organizador de Meeting Aire Libre: Meeting de Madrid
- Mellor organizador de 100 km en ruta: 100km de Cantabria-Ciudad de Santander
- Mellor Organizador de Maratón: Maratón Valencia Trindad Alfonso EDP
- Mellor Organizador de Medio Maratón: Medio Maratón Valencia Trindad Alfonso EDP
- Mellor organizador de 10 km en Ruta: San Silvestre Vallecana Internacional
- Mellor Organizador de Milla en Ruta: Milla Internacional de Berango
- Mellor Organizador de Campo a través: Cros Internacional de Atapuerca
- Mellor organizador de Marcha Atlética: Gran Premio Cantones de Marcha “Sergio Vázquez”
- Mellor organizador de Trail Running: Penyagolosa Trail
Marcas de España 2019:
- Marca 400 m PC – Óscar Husillos (45.66)
- Marca 3.000 m Obstáculos – Fernando Carro (8:05.69)
- Marca Tripla Salto – Ana Peleteiro (14.73m)
- Marca Lanzamento de Martelo – Javier Cienfuegos (79.38m)
- Marca Lanzamento de Xavelina – Manuel Quijera (81.31m)
- Marca Pentatlón – María Vicente (4.412 puntos)
- Marca Heptatlón – María Vicente (6.115 puntos)
- Marca 50 Km Marcha – Raquel González (4:11:01)
- Marca 50 Km Marcha – Julia Takacs (4:05:46)
- Marca 4x400m PC – Óscar Husillos, Bernat Erta, Lucas Búa e Manuel Guijarro (3:06.32)
- Premio “Muller e Atletismo”: Niurka Montalvo
- Mellores Atletas Master: Rosa Escribano e José Vicente Rioseco
- Mellor Xuíz: Orlando Millán
- Mellor Xuíz Novel: Adelaida Perea