En declaracións ao Comité Olímpico Español, Ana Peleteiro sinalaba, nada máis saír da pista do Estadio Olímpico que non podía “parar de chorar. Levo toda a vida soñando con ser medallista olímpica e, ao fin podo dicilo. Terei que agardar uns días para dixerilo”, advertía entre bágoas.
A deportista galega explicaba que era consciente de que “hoxe podía ser un gran día, pero nunca imaxinei que o había conseguir. Soñei moito con isto”.
🔉 Primeras palabras de @apeleteirob tras lograr la medalla de bronce en triple salto.
¡Qué emoción! 🤩#ElCorazónDeEspaña @atletismoRFEA pic.twitter.com/tBUtWITUYA
— Comité Olímpico Español (@COE_es) August 1, 2021
Sobre a competición na final dos Xogos Olímpicos Ana Peleteiro explicaba que “non sabía se ía ser quen de sacar ese salto”, pero apunta como punto de inflexión os consellos do seu adestrador. “Doulle as grazas a o meu entrenador que traballou súper duro. Nelson, no quinto salto, achegouse a motivarme, a sacar iso que me está dando desde que o coñezo. E conseguíu sacar á Ana Peleteiro guerreira”.
Ana Peleteiro adica o bronce á súa familia, en especial, á súa avoa
A triplista galega declaraba na Cadena SER que adicaba este logro á súa familia, que considera o mellor premio que lle deu a vida. E en especial, á súa avoa (finada), “que me apoia desde aí arriba”, dicía.
