Ana Peleteiro realizou unha gran actuación nas clasificatorias do triplo salto, conseguindo o pase á final olímpica. Cun 14.62, a atleta galega acadou a súa mellor marca da tempada, a mellor marca española nuns Xogos Olímpicos e a clasificación como a segunda mellor saltadora do grupo A.
Despois de competir, a atleta declarou estar “moi contenta” e lista para ir “a por todas” na final.
Desde o comezo da proba, puido verse na pista nipona a unha Peleteiro segura de si mesma. A confianza demostrouse á hora de saltar. Nun primeiro intento, a ribeirense acadou os 14.34, achegándose ao billete á final.
No segundo salto, a galega superouse, acadando os 14.62, e afianzando así a súa presenza na proba do vindeiro domingo. A nosa atleta estará competindo xunto ás mellores saltadoras o vindeiro 1 de agosto, desde as 13:15 horas.
✅ Concentración
✅ Motivación✅ Y un salto que vale el billete directo para la final
Puro show, @apeleteirob 💪🇪🇸 pic.twitter.com/vj5AGal9Z4
— Eurosport.es (@Eurosport_ES) July 30, 2021
Nesta proba clasificatoria, a ribeirense competiu no grupo A, quedando só por detrás da venezolana Yulimar Rojas, quen acadou os 14.77.
Finaliza el Grupo A de Clasificación triple 🚺@apeleteirob está en su primera final olímpica
14.62 La mejor marca de una triplista 🇪🇸 en unos JJ. OO. pic.twitter.com/TYRir4vQld
— atletismoRFEA (@atletismoRFEA) July 30, 2021
Tras a competición, a deportista pasou polos micrófonos de RTVE, nos que se mostrou encantada co seu resultado. “Estou moi contenta. Marca persoal e non podo pedir máis para a clasificación. O domingo é outro rollo. O domingo todas van estar con garras e dentes. Así que a descansar e recuperarse co servizo médico e a por todas o domingo”, declaraba.
A propia saltadora explicaba así a súa emoción e motivación cara a final: “Eu vou con garras, dentes, coitelos, garfos e con todo. Obviamente vou a por todas. Estou moi contenta. A pista é brutal, aínda que non hai público síntese un ambiente incríble. Son os meus primeiros Xogos! Estou moi contenta”.
🗣️”Voy con garras, dientes, tenedores, cuchillos y de todo” #TokyoRTVE30J #Tokyo2020RTVE
🔝Así afronta Ana Peleteiro (@apeleteirob) la final del domingo en sus primeros #JuegosOlimpicos
📲https://t.co/NOZSz70ra8 pic.twitter.com/HzQNuTzzDp
— RTVE Deportes (@deportes_rtve) July 30, 2021
