A actual campioa de Europa de triplo salto, a atleta galega Ana Peleteiro, defenderá mañá, domingo 7 de marzo, o seu trono na final continental que terá lugar en Polonia.
Non se lle vía contenta á atleta de Ribeira logo do seu concurso de hoxe no Campionato de Europa de Torun. A atleta galega conseguía asinar no seu segundo intento os 14.10 que precisaba para superar o corte e meterse na final de mañá. Pero non sorría. Ao contrario, dáballe á cabeza como se non estivese satisfeita do seu salto.
Con todo, logo de arrincar cun intento inicial de 13.82 metros, chegaba no segundo aos 14.10 e se aseguraba un sitio na final na que os prognósticos apuntan a que vai pelear por medalla ou por repetir entorchado no triplo salto en pista cuberta.
🛫 ¡Ana Peleteiro vuela hacia la final!
🏃♀️ La saltadora ha logrado llegar hasta los 14.10 que le valen para pelear por las medallas #Torun2021
🔴 https://t.co/wgAVMDSNo2 pic.twitter.com/8jpsHoeRNS
— Teledeporte (@teledeporte) March 6, 2021
Peleteiro deixaba 22 cm na táboa de batida
Como se aprecia nas imaxes, a de Ribeira podería ter saltado máis lonxe de non terse deixado máis de 22 centímetros na taboa de batida. A súa próxima cita coa historia será mañá, domingo 7 de marzo ás 17:20 horas na final do Campionato de Europa en Pista Cuberta. A competición pode seguirse a través de Teledeporte.
Ver esta publicación en Instagram
