Ana Peleteiro volve do Campionato de España absoluto de atletismo ao aire libre cun ouro colgado e o récord do campionato baixo o brazo. A atleta galega, competidora en triplo salto, foi a mellor clasificada cunha marca de 14.61m, que supón a mellor de España mesta modalidade neste ano e a mellor estatal ao aire libre.
Antes deste novo fito da galega, Carlota Castrejana era a deportista que posuía a plusmarca, con 14.60m desde 2005. O récord español está establecido nos 14.73m e o do campionato nos 14.55m, ambos logrados pola mesma Peleteiro, en Glasgow 2019 e Xetafe 2018 respectivamente.
“Chegar aquí e ver que todo o traballo comeza a saír, e digo comeza porque isto só está empezando, alégrame e dame unha bocanada de aire de cara a Toquio“, confesou a atleta tras a competición, na que obtivo o seu quinto título ao aire libre. A ribeirense tivo que aclimatarse a un vento cambiante, pero malia as dificultades foi quen de facer unha serie moi regular.
Dos seus seis intentos, cinco foron válidos, comezando cun 14.35m, logo un 14.50m ventoso, 14.24m, 14.36m e o salto final, de 14.61m, que lle deu o ouro e a plusmarca. Con este resultado, Peleteiro superou á brasileira Soares, fóra de concurso cun 14.26, e á madrileña Patricia Sarrapio, prata cun 13.87m. O bronce foi para Tessy Ebosele, con 13.36 ventoso.
🚺 Podio Triple Salto #CEatletismo
🥇 @apeleteirob (14.61 RC)
🥈 @SarrapioP (13.87)
🥉 Tessy Ebosele (13.36)¡ENHORABUENA!
🔗 https://t.co/lACUlVTNAb pic.twitter.com/X4kjQCcMNZ— atletismoRFEA (@atletismoRFEA) June 27, 2021
Ante os micrófonos da Real Federación Española de Atletismo, Peleteiro explicou que está tempada está a sufrir a falta de público nas bancadas: “Sempre o digo, son unha artistra frustrada. Gústame sentir á miña xente, o cariño. Son filla única, gústame que me presten atención”.
En Xetafe, co absoluto ao aire libre, a afección aínda non puido ver o mellor atletismo en vivo e en directo, pero o resto de atletas si que puido ocupar as bancadas. Un cambio que “ilusionou moito” á galega, que puido superar a mala racha que estaba a vivir e mellorar as súas sensacións cara os Xogos Olímpicos.
De cara á futura competición, Peleteiro céntrase en desfrutar da experiencia e só desexa seguir con saúde: “Soño con chegar con saúde e desfrutar moitísimo”, recalca.
“Ayer estaba en la cama y me daban taquicardias con las marcas de la gente”.
¡PUES NO TE HAS QUEDADO ATRÁS, @apeleteirob! 👏🏻👏🏻🙌🏻🙌🏻
“Llegar al #CEatletismo y ver que todo el trabajo empieza a salir me da una bocanada de aire de cara a #Tokyo2020“. pic.twitter.com/ToEfzreM1M
— atletismoRFEA (@atletismoRFEA) June 27, 2021
Alba Cuns finalizou sétima no mesmo concurso
No concurso de triplo salto, outra galega loitou por obter o mellor resultado. Alba Cuns, do Playas Castellón, proclamouse campioa de España en pista cuberta no Campionato sub20, e para este torneo absoluto acadou a sétima posición.
Cun pleno de saltos válidos, a saltadora obtivo o mellor resultado no quinto, cunha marca de 12.72.
