Unha vez máis Ana Peleteiro faise co Campionato de España de triplo salto. Fíxoo no estatal absoluto que acolle La Nucía cun mellor salto de 14.27m. Van xa sete títulos en aire libre que ten no seu palmarés persoal.
Aterraba Ana Peleteiro no Campionato de España Absoluto de Atletismo como vixente campioa de Europa na súa especialidade, o triplo salto. A súa mirada está posta en chegar no mellor momento posible aos Xogos Olímpicos de París 2024. Esta cita estatal é unha etapa máis nun camiño que a leva a brillar na Cidade da Luz.
O primeiro salto de Peleteiro en La Nucia foi de 13.07, logo chegou aos 13.56 e no terceiro alcanzou os 13.86. A progresión da raíña do triplo salto freouse no cuarto intento, que resultou nulo. No quinto voou ata os 14.20 pero o corpo pedíalle máis e no sexto aterrou nos 14.27m. Foi ese o mellor salto da atleta do C.A. Adidas neste Campionato de España de atletismo 2024.
Inconformista por naturaleza.
Ana Peleteiro pasa de los 14 metros, pero sigue sin estar satisfecha. Máxima ambición.
DIRECTO | @teledeporte y https://t.co/56x6E4YT2r pic.twitter.com/gZW8z9clr5
— Teledeporte (@teledeporte) June 28, 2024
Un novo ouro máis para a triplista galega. No poido estivo acompañada por Elda Romeva (F.C. Barcelona), prata cun mellor salto de 12.96 e Naira Estanga (At. San Sebastián) que chegou ata os 12.86.
PODIO – Triple Salto🚺 #CEAtletismo
🥇 Ana Peleteiro 14.27 m
🥈 Elda Romeva 12.96 m
🥉 Naiara Estanga 12.86 m👏👏👏
📺 @teledeporte
📺 MULTIVIEW (concursos) https://t.co/bOx7kFrosl
📊 https://t.co/838wsZAnO3 pic.twitter.com/E6fCyxrBcX— atletismoRFEA (@atletismoRFEA) June 28, 2024
Sétimo título neste campionato para Ana Peleteiro
Á marxe do palmarés internacional, Ana Peleteiro suma, con este, sete títulos como campioa de España absoluta ao aire libre en triplo salto. Conseguiuno nos anos: 2015, 2017, 2018, 2019, 2021, 2023 e 2024. En pista cuberta ten oito ouros nesta mesma modalidade colleitados nos anos: 2014, 2016, 2017, 2018, 2020, 2021, 2022 e 2024.
O récord de España é seu, fíxoo nos Xogos Olímpicos de Toquio 2020 cun chimpo de 14.87 que lle valeu o bronce olímpico. Este ano en Roma, no Europeo de Atletismo, chegou ata os 14.85, moi preto desa marca e corouse como a raíña europea do triplo salto. O seu primeiro ouro europeo absoluto. En Glasgow, no Mundial de pista cuberta foi terceira cunha marca de 14,75 metros. Un bo ano que a galega aspira a rematar subíndose ao máis alto do podio olímpico en París 2024.
🥇 Ana Peleteiro está de volta tras lograr a medalla de ouro en Roma
🎙️ “Moi feliz, con moitas ganas de máis. Este era un pequeno paso no camiño a @Paris2024 Con ganas de todo o verán” pic.twitter.com/NWEE7NNCuX
— En Xogo tvG2 (@EnXogo_tvG2) June 13, 2024
Desta volta 14.27m abondoulle para que o ouro estatal pendurase do seu pescozo.
