A triplista galega Ana Peleteiro participou xunto a Saúl Craviotto nun acto de Bridgestone, a marca prepárase “como orgulloso Patrocinador Olímpico e Paralímpico para os próximos Xogos de Paris 2024, que aspiran a ser os máis abertos, inclusivos e sostibles da historia”, din desde a marca. Na cita Ana Peleteiro falou das súas aspiracións nos Xogos Olímpicos de París 2024 nos que ten a mirada posta nas medallas.
Saúl Craviotto, gañador de 5 medallas olímpicas en piragüismo, e a deportista galega Ana Peleteiro, medallista de bronce en triplo salto nos Xogos Olímpicos de Tokio 2020, son os embaixadores oficiais para a marca en España, dun equipo formado por máis de 40 atletas procedentes de 9 países.
“París 2024 moverase con pneumáticos Bridgestone: equipará a máis de 1.000 vehículos oficiais, coches, autobuses e motos, ademais de poñer en circulación máis de 600 bicicletas na Vila Olímpica”, destacan desde Bridgestone.
Como orgulloso Patrocinador Olímpico Mundial desde 2014 e Socio Paralímpico Mundial desde 2018, Bridgestone deu comezo á conta atrás para a cita con París 2024, que terá lugar o próximo mes, e onde a compañía estará presente como provedor oficial de pneumáticos dos Xogos Olímpicos e Paralímpicos.
Todas as actividades de Bridgestone relacionadas coa súa contribución a París 2024, “céntranse en reflectir os seus compromisos coa seguridade, sustentabilidade e inclusión. Á presentación de Bridgestone acudiron Mª Victoria Cabezas, secretaria Xeral do Consello do Comité Olímpico Español (COE) e Constanza Pasqual do Pobil, directora de Comunicación de Bridgestone en España, ademais de Álex Corretja, tamén medallista olímpico español, quen presentou embaixadores españois Saúl Craviotto (piragüismo) e Ana Peleteiro (atletismo), para compartir as súas sensacións e expectativas antes dos XX.OO”.
Ana Peleteiro: “Traballamos non só a preparación física, tamén a saúde mental”
Durante o acto, a triplista galega, Ana Peleteiro, declaraba: “Afronto Paris 2024 con moitas ganas de seguir superándome, pero tamén de gozar do éxito que supón estar entre as mellores. Tanto o meu equipo, como eu mesma, imos a París coa vista posta en medallas, e para iso estivemos traballando moito non só a preparación física, senón tamén a saúde mental. Para render ao máximo, é importante estar ben rodeada, tanto a nivel familiar, como de preparadores, fisioterapeutas e psicólogos, pero tamén de patrocinadores cos que compartir valores, como foi o meu caso con Bridgestone, con quen estou traballando moi a gusto desde o primeiro día”.
