As futbolistas galegas seguen en plena pretempada. Tócalles a quenda a dúas escuadras lucenses. O Castro FSF que rende visita ao Pescados Rubén Burela nun amigable que acollerá Vista Alegre. As Guerreiras Laranxas reciben as de Castro de Rei ás 21:00 horas.
Será un cruce entre un dos máximos aspirantes ao título de Liga na máxima categoría, o conxunto da Mariña, e un Castro FSF en pleno crecemento que este ano militará de novo na Segunda División do fútbol sala estatal.
As Guerreiras Laranxas por fin voltan a Vista Alegre na súa a cuarta cita de pretempada. A taquilla estará aberta exclusivamente para Abonados Mixtos e Abonados Femininos 2020-21.
O Pescados Rubén Burela vs Castro FSF poderá verse en streaming na canle de YouTube das da Mariña
Segundo informa o Pescados Burela Rubén FS, o seu partido coas vermellas do Castro FSF poderá seguirse en directo a través da canle Youtube CD Burela FS.
“Aínda que rematamos a liga competindo en play-off e esta tempada xa xogamos amigables, non o fixeramos aínda en Vista Alegre e teremos a primeira oportunidade de pretempada mañá, con Castro FSF, diante da nosa afección” así confesaba Lara Balseiro, a esencia mariñá do equipo, as ganas por volver sentir Vista Alegre.
Lara Balseiro: “En cada amigable damos un paso máis”
Case dous meses despois do inicio do traballo 2020-21, dende o 10 de agosto, as campioas de Liga regresan ao seu parqué.
Lara Balseiro, xogadora do Pescados Rubén Burela FS: “Estamos traballando ben, a pretempada foi longa pero iso serviunos para acoplarnos mellor coas novas incorporacións”
A futbolista laranxa Lara Balseiro explica que considera que “estamos traballando ben, a pretempada foi longa pero iso serviunos para acoplarnos mellor coas novas incorporacións”. Segundo a xogadora do Burela, “en cada amigable damos un paso máis e estamos chegando ao nivel que todas desexamos”.
A 10 laranxa valoraba así a boa engrenaxe da escuadra e a mosábase moi satisfeita tras a vitoria do sábado en San Cibrao ante o que será o primeiro envite de Liga, é dicir, contra o Ourense Envialia, o sábado 17: “Ourense é un gran equipo; tal vez se notou que nós levamos máis tempo adestrando. Foi moi importante que mostráramos ese nivel e sérvenos para coller grandes sensacións de cara ao comezo de Liga”.
Lara Balseiro, xogadora do Pescados Rubén Burela FS sobre o partido contra o Ourense Envialia: “Ourense é un gran equipo; tal vez se notou que nós levamos máis tempo adestrando. Foi moi importante que mostráramos ese nivel e sérvenos para coller grandes sensacións de cara ao comezo de Liga”
Diante do Castro FSF o equipo da Mariña pretende seguir medrando. Segundo a viveirense: “O único que nos interesa é referendar o traballo dos adestramentos. En Poio viuse un pouco e con Ourense xa houbo unha mostra máis palpable. Queremos seguir nesa liña e demostrar un gran nivel”.
O sábado 10, Copa Galicia diante do Viaxes Amarelle FSF
As Guerreiras Laranxas volverán á Bomboneira xa o sábado, cando disputarán a volta das semifinais de XIV Copa Galicia ante Viaxes Amarelle. A partido téra lugar ás 19.00 horas e poderá seguirse a través da TVG2.
