Despois do parón obrigado pola pandemia, o Campionato de Galicia de 5 km ruta volve á acción na súa XII edición. Desta vez, a proba terá lugar no concello de Ames, concretamente en Bertamiráns, o 26 de setembro desde as 10:30 horas.
Na categoría femenina importante tamén será a preseza das internacionais Uxía Pérez do Playas de Castellón e Sandra Mosquera do Comesaña así como Helena Ledo do ADAS Proinor. No caso das probas masculinas, os nomes máis salientables so os de Manuel Hurtado, do SG Pontevedra, e Rubén Diz, do Ourense Atletismo.
Xunto aos citados e citadas atletas, non menos importante será a participación de atletas das categorías Sub18, Sub20, Sub23 así como a dun amplo e nutrido grupo de participantes das categorías máster entre quenes destacan os gañadores e gañadoras da última edición do ano 2019 en Ferrol nas súas respectivas categorías: Inés Papín do CA Sada; Domingo Álvarez do Egovarros de Viveiro; Mar Barcón e Antonio Hernández da Mochila del Deporte; José Carlos Ferreira do Club Veteranos de Samil e Javier Toro do Verxel Nutrición.
O acto de presentación do torneo de 5km ruta, que se desenvolveu en Ames, contou ca presenza do seu alcalde José Blas, o Presidente da FGA Isidoro Hornillos e a Concellal de Deportes Susana Señorís, quenes salientarían a importancia desta cita tanto polo número de inscritos, preto de catrocentos, como pola calidade das súas participantes.
O palmarés do Campionato de Galicia de 5km ruta
Nas súas edicións a gran domiñadora no histórico na categoría feminina é a atleta de Ares Paula Mayobre quen con cinco campionatos de Galicia encabeza esta lista, seguido con dous campionatos por Iván Docampo e o especislista en tríatlon Francisco Gómez Noya.
Mayobre foi vencedora na ruta dos 5km nas edicións de 2010, celebrada na Coruña, a do 2013, en Ribeira, e as de 2017, 2018 e 2019, realizadas en Curtis, Vimianzo e Ferrol. Tamén resultaron vencedoras en anteriores ocasións Marta Fernández, no 2011, María Gestido, no 2012, Barca Toba, no 2014, Carmela Cardama, no 2015 e Rocío Alvite, no 2016.
Retransmisión vía streaming
A proba será retransmitida en directo vía streaming a través da canle oficial da FGA dando comezo a primeira carreira as 10:30 horas desde a rúa Alcalde Lorenzo na orde establecido segundo o protocolo covid-19 vixente. Farase unha serie coas 10 mellores marcas de inscrición, e o resto de participantes agruparanse polas súas categorías.
