Un gol da futbolista ourensanista Amelia in extremis da folgos ao Cidade de As Burgas na súa loita por manter a categoría. As xogadoras que adestra Manolo Codeso colleitaron un valiosísimo trunfo pola mínima (0-1) na cancha do descendido Xaloc Alacant que as coloca na clasificación no posto terceiro pola cola empatadas a coeficiente coas cuartas, o Gran Canaria F.S.F. Teldeportivo.
O Cidade de As Burgas xogábase boa parte das súas opcións de seguir loitando pola permanencia ante o xa descendido Xaloc Alacant, nun partido no que as ourensás comezaban avisando cunha temperá ocasión de Fara Antolín e outra de Sol Pedrera que despexaba a cancerbeira alacantina.
O choque tivo un dominio alterno, aínda que as ourensás víanse obrigadas a correr máis riscos sobre a cancha, pero chegábase ao descanso co empate a cero no luminoso.
Non variaría excesivamente o envite no segundo acto, onde o Cidade de As Burgas adestrado por Manolo Codeso tentaba atacar con éxito o bo armazón defensivo do conxunto do Xaloc Alacant que en ningún momento daba o envite por perdido.
O gol de Amelia
Con todo por decidir chegábase ao último tramo de partido cos dous equipos con catro faltas no seu a ver. Entrados nos dous últimos minutos, o Xaloc Alacant optaba polo xogo de cinco.
Nunha perda de balón do conxunto alacantino, Amelia roubaba do balón en metade de cancha e plantábase ante a portaría rival para anotar o 0 a 1 que lle outorgaba o tres puntos ao conxunto galego que mantén as súas esperanzas de manter a categoría.
Grupo D da Primeira División Fútbol Sala Feminino RFEF
RESULTADOS
- Universitat d’Alacant vs Gran Canaria FSF Teldeportivo: 6 – 2
- Rayo Majadahonda vs Penya Espugues AE: 0 – 0
- Xaloc Alacant vs Cidade de As Burgas: 0 – 1
- Bodegas Sommos Intersala vs CD Leganés: 3 – 6
- Sala Zaragoza vs Viaxes Amarelle: adiado
CLASIFICACIÓN (ACFSF)
| EQUIPOS | PJ | PG | PE | PP | GF | GC | PUNTOS | COEFICIENTE | |
| 1 | Universidad de Alicante | 23 | 14 | 3 | 6 | 75 | 33 | 45 | 1,956 |
| 2 | C.D. Leganés | 22 | 12 | 3 | 7 | 82 | 75 | 39 | 1,772 |
| 3 | Sala Zaragoza | 22 | 10 | 2 | 10 | 62 | 58 | 32 | 1,454 |
| 4 | Rayo Majadahonda AFAR 4 F.S.F. | 21 | 7 | 2 | 12 | 47 | 55 | 23 | 1,095 |
| 5 | A.E. Penya Esplugues | 21 | 6 | 4 | 11 | 33 | 47 | 22 | 1,047 |
| 6 | Viaxes Amarelle | 21 | 5 | 4 | 12 | 31 | 62 | 19 | 0,904 |
| 7 | Gran Canaria F.S.F. Teldeportivo | 22 | 4 | 1 | 17 | 37 | 80 | 13 | 0,59 |
| 9 | Cidade de As Burgas | 22 | 3 | 4 | 15 | 41 | 83 | 13 | 0,59 |
| 8 | Bodegas Sommos Intersala | 22 | 2 | 5 | 15 | 34 | 93 | 11 | 0,5 |
| 10 | Xaloc Alacant Futbol Sala | 23 | 0 | 1 | 22 | 22 | 126 | 1 | 0,043 |
Revive o Xaloc Alacant vs Cidade de As Burgas. Dálle ao play!
FICHA TÉCNICA
XALOC ALACANT: Vero; Lara Navarro, Ortiz, Angy e Poveda – quinteto inicial -. Tamén xogaron: Claudia Marín, Lorena Martínez, elena Sanchís, Mayte e Tere.
CIDADE DE AS BURGAS: Ana López Lastra; Clara Fernández, Sol Pedrera, Amelia e Fara Antolín – quinteto inicial -. Tamén xogaron: Canolich, Sonia Pacios e Nahir.
GOL: 0-1, min. 40 Amelia.
ÁRBITROS: Gabaldón Rico e González Ruano do colexio valencián. Recibieron cartón amarelo Ana López Lastra e Sol Pedrera polo conxunto galego do Cidade de As burgas.
INCIDENCIAS: Partido da sétima xornada da Primeira División Feminina de fútbol Sala, grupo pola permanencia, disputado no pavillón Pitiu Rochel de Alacant.
