O Viaxes Amarelle tiña nesta quinta xornada da segunda fase a oportunidade para dar un paso adiante na permanencia pero non venceu. As herculinas enfrontáronse ao Intersala Promesas, empatando cun 3-3 final.
Este punto sumado ao casilleiro de ambos equipos mantén con poucas variacións a clasificación. Ao longo do partido, o Amarelle foi superior, pero finalmente desaproveitou a ocasión de sumar tres puntos cedendo dous ante as zaragozanas.
1°DIVISIÓN |
¡¡Ya saltan las jugadoras a pista!! @BodegaSommos @ACFSFfutsal@infozonafutsal pic.twitter.com/2BnVXgqbG1— InterSala Promesas (@SalaInter) April 24, 2021
As galegas saían á cancha coa firme intención de levar o tres puntos de Zaragoza e pór terra polo medio coas posicións de descenso directo, e aínda que un rápido gol das locais puña o medo no corpo ás galegas. O conxunto herculino se rearmaba e daba a volta ao marcador até o 1-3, pero os últimos minutos foron fatídicos para as herculinas, que vían como o rival conseguía facer a igualada, e o Viaxes Amarelle FSF deixaba escapar unha vitoria que tería sido chave nas súas aspiracións.
Intensidade desde o primeiro minuto
O partido comezou de maneira emocionante. O conxunto local aproveitou a primeira ocasión que obtivo para adiantarse, cun gol de Titina no primeiro minuto. A futbolista colleu o balón en media pista e non dubidou ante a porteira galega Leti Rojo. Non se consumiran nin 30 segundos de partido, polo que o tanto da ariete maña foi un golpe para as coruñesas.
Con todo, o Amarelle non se ía deixar amedrentar, e soubo respostar enseguida. As herculinas están afeitas a se sobrepór de golpes duros. Así que, en cuestións de segundos, Patri Romaní plantábase na meta rival, aproveitando un balón en corto de María de Val tras o disparo de Candela, para poñer o empate. Volta a empezar co partido de novo igualadado.
O conxunto galego seguía insistindo no ataque sobre a portaría maña, para conseguir adiantarse, pero enfronte estaba unha excelente María de Val que evitaba que as galegas collesen vantaxe. El Bodegas Sommos Intersala Promesas tentaba sorprender á contra, e tería algunhas ocasións perigosas, aínda que a rapidez defensiva e a boa actuación de Leti Rojo baixo paus, deixaban o marcador nun 1-1 para o tempo de asueto.
O poder cambiaba de mans de maneira constante, sen un claro líder sobre o terreo de xogo. Porén, as galegas abusaron das faltas, poñendo en perigo o resultado. As ocasións alternábanse entre os dous equipos, pero sen que ningún fora quen de romper ao seu favor o encontro.
Logo dun impetuoso e goleador inicio de xogo, o marcador non se moveu ao longo do primeiro período, pese a que a intensidade seguiu sobre a pista. Así, cun axustadísimo 1-1 chegouse o tempo de descanso.
O Intersala empatou ao Amarelle ao filo do final
Tras o paso por vestiarios, María Gómez disparou desde o exterior un tiro cruzado para anotar o 1-2 co balón golpeando nunha xogadora local. Isto cheou de motivación ao Amarelle, que seguiu presionando para aumentar a vantaxe no marcador.
Antes de chegar ao ecuador da segunda metade, Patri Corral anotaba cun potente disparo exterior nun saque de esquina enviaba o esférico ao fondo das mallas por toda a escuadra da portaría maña, colocando ás coruñesas a dous goles de distancia das locais (1-3) e parecendo que o partido se puña de cara para o conxunto dirixido por Jorge Basanta.
Lonxe de virse abaixo, o conxunto do Intersala Promesas traballou para remontar. Aínda quedaba moito partido, e as galegas non vían suficiente a vantaxe, e as locais cada vez estaban máis activas en ataque, aínda que con pouca fortuna. Xa no tramo final, o seu banco apostaba polo xogo de cinco. O plan saiu segundo o plantexado, e as locais anotaron o segundo gol da tarde ao seu favor, da man de San que superou a Leti Rojo, finalizando a xogada cunha picada sobre a meta galega, coa que puña o broche a unha excelente saída de presión do conxunto maño.
Este gol, levantou os ánimos das locais, que se vían con opcións de levar o partido, e seguiron co xogo de cinco, e a falta dun minuto e vinte e seis segundos conseguían pór a igualada no marcador, cunha finalización ao segundo pau de Lucía Guillén.
Aínda quedaba partido, e o Viaxes Amarelle FSF esgotaba as súas balas co xogo de cinco nos últimos 40 segundos de partido, pero non chegou a ocasión que fixese o gol necesario para levar o tres puntos; e finalmente repartición de puntos, que non deixa contento a ningún dos dous equipos.
Revive o partido dándolle ao play!
Tras a disputa deste novo encontro da segunda fase da competición regular na máxima categoría do fútbol sala feminino estatal, o Viaxes Amarelle FSF da Coruña regresa os próximos días aos adestramentos na cidade herculina.
A súa seguinte cita deportiva a preparar será afrontar un encontro contra un dos seus rivais directos na loita pola permanencia na segunda fase na Primeira División Nacional Feminina de Fútbol sala. O cadro herculino disputará a primeira xornada aprazada do subgrupo D, o sábado 1 de maio de 2021 ás 19:30 horas no Polideportivo Municipal da Granadilla (Majadahonda – Madrid) visitando ao Raio Majadahonda Afar 4 FSF.
Os resultados desta xornada foron:
- Sala Zaragoza vs Cidade de As Burgas 4 – 2
- Universitat d’Alacant vs CD Leganés FSF 7 – 3
- Xaloc Alacant vs Penya Espugues AE 0 – 3
- Bodegas Sommos Intersala vs Viaxes Amarelle FSF 3 – 3
- Rayo Majadahonda vs Gran Canaria FSF Teldeportivo Aplazado
FICHA TÉCNICA
BODEGAS SOMMOS INTERSALA PROMESAS: María de Val; Ana Sanz, Sara de Oliveira, Cristina Marín e Marta García – quinteto inicial-. Tamén xogaron: Izarbe (segunda porteira), Cris, Lucía Vicente, Titina e San.
VIAXES AMARELLE FSF: Leti Rojo; Patri Romaní, Cris Lourés, Candela Soria e Ana Escribano – quinteto inicial-. Tamén xogaron: Patri Corral, Yaiza, Lau Doce, María Gómez e Tana.
GOLES: 1-0 Titina (min. 1); 1-1 Patri Romaní (min. 2); 1-2 María Gómez (min. 21); 1-3 Patri Corral (min. 28); 2-3 San (min. 36); 3-3 Lucía Guillén (min. 39)
ÁRBITROS: Óscar Alonso Montesinos e Tomás Santander Flamarique. Recibiron tarxeta amarela Cris Lourés, Ana Escribano e o delegado do Viaxes Amarelle FSF, Diego Rodríguez e Sarah no Intersala.
INCIDENCIAS: Partido correspondente á quinta xornada del Subgrupo D de la Primera División Nacional Femenina de Fútbol Sala da RFEF disputado o sábado, 24 de abril, no pavillón Municipal de La Granja.
