O conxunto galego do Viaxes Amarelle FSF viaxa este fin de semana á cancha do líder do Subgrupo D da Primeira RFEF Futsal Feminino coa firme intención de poder seguir sumando puntos na súa marcadora.
O Viaxes Amarelle FSF encadrado no Subgrupo D da competición, afronta o partido da terceira xornada, que terá lugar este sábado 10 de abril de 2021 no Pavillón Universidad de Alicante (San Vicente do Raspeig), visitando ao equipo universitario a partir das 18:00 horas.
O rival das herculinas para esta fin de semana será o Universidad de Alicante un equipo que conta cunha gran bagaxe na elite do fútbol sala feminino, e que a priori partía como un dos equipos aspirantes a disputar o título de liga, pero quedo ás portas de conseguilo.
Actualmente, o equipo alacantino ocupa a primeira posición do grupo D da Primeira RFEF Futsal Feminina no que a loita é pola permanencia. O conxunto universitario suma 54 goles a favor, e 25 tantos en contra tras os 18 encontros disputados até a data. En total acreditan 9 vitorias, 3 empates e 6 derrotas, iso supón 30 puntos no seu casilleiro.
No que vai de competición nesta segunda fase, o Universidad de Alicante xa disputou dúas xornadas e venceu por 4-1 as galegas do Cidade de As Burgas FSF e por un marcador de 0-6 ao equipo do Gran Canaria FSF Teldeportivo.
O equipo herculino, dirixido por Jorge Basanta, tratará de dar continuidade ás boas sensacións nas últimas xornadas disputadas, e máis tras sobre o empate do pasado fin de semana en casa, fronte ao AD Sala Zaragoza FSF.
O Viaxes Amarelle FSF é consciente de que enfronte vai ter un equipo con xogadoras de moito nivel, e que tratará por todos os medios de seguir sumando puntos, para finalizar a tempada na primeira posición do grupo.
Dúas baixas e o resto, na lista de convocadas
A convocatoria herculina para esta fin de semana está formada por todas as xogadoras dispoñibles para o técnico galego Jorge Basanta. En definitiva a lista está conformada polas porteiras Sandra Rodríguez, Leti Rojo e Tami Gándara; e as xogadoras de cancha, Candela Soria, Cris Lourés, Sofía Rodríguez, Patri Corral, Yai Otero, María Gómez, Lau Doce, Patri Romaní e Sofi Florentín Tana.
Quedan fóra da convocatoria para esta semana, Anna Escribano que continúa con molestias no seu xeonllo, aínda que na última sesión xa participou nalgúns exercicios co grupo, e Martita, que continúa o proceso de recuperación da súa operación no ligamento cruzado anterior (LCA).
Este novo encontro oficial da tempada 2020-21 das herculinas do Amarelle, poderá seguirse a través da retransmisión en streaming. Debido ás limitacións actuais causadas pola situación sanitaria derivada da pandemia de coronavirus COVID-19, o encontro en terras alacantinas terá que se disputar a porta pechada.
Esa ausencia de público, pero a intención de que as respectivas afecicións poidan seguir o partido ao vivo fai que o conxunto universitario emita o encontro en liña a través da seguinte ligazón : https://vertice.cpd.ua.es/240286
