O Viaxes Amarelle volve de Alicante sen os puntos da vitoria pero tras facer unha moi boa actuación ante o líder do grupo pola salvación. As galegas xogaron a terceira xornada do subgrupo D da Primeira División ante o Universidad de Alicante como visitante, rematando o encontro cun 2-1.
As coruñesas lograron adiantarse primeiro no marcador, pero o conxunto de Jorge Basanta non foi quen de manter a súa vantaxe tras o descanso. A gran segunda parte das alicantinas deu a volta ao partido e deixou os tres puntos do trunfo en casa.
O Amarelle golpea primeiro
As laranxas do Viaxes Amarelle FSF saltaron á pista alicantina con enerxía e centradas nos seus ataques, xogando cunha presión alta sobre o equipo local. Sorprendendo ao conxunto local, o mellor do grupo que loita por permanecer na Primeira División, as galegas adiantáronse no marcador con gol de Yaiza ao minuto cinco, tras unha xogada de estratexia de saque de banda cun disparo desde a frontal da área.
O tanto en contra fixo reaccionar ao Universidad de Alicante, que intentaba por todos os medios a igualada. A defensa das herculinas era forte e resistías as ofensivas alicantinas. Porén, as de Jorge Basanta non transformaron as ocasións de gol que xeraban. Así, o tempo de descanso chegou cun 0-1 no marcador favorable ao Amarelle, pero sen a vitoria asegurada.
As locais remontaron na vitoria na segunda parte
O paso por vestiarios renovou ás locais, que retomaron o partido con forza, dispostas a non deixar escapar os puntos en casa. As constantes oportunidades ante a portería herculina non remataban en gol, xa que a defensa do equipo galego seguía férrea. Pasados cinco minutos, Rocío lograba poñer o empate no marcador, cun 1-1.
Isto cambiou a dinámica de poder sobre a pista alicantina, cun cadro local máis confiado e un conxunto coruñés cada vez máis débil. Pola súa banda, o Universidad de Alicante subía o ritmo e a intensidade, para seguir presionando ao Amarelle e forzar o segundo gol.
Tanto foi o equipo local á porteria contraria que remataría por anotar o gol da vitoria. As ocasións ailladas do Amarelle non supoñían unha ameaza para unhas alicantinas que se sabían controladoras do partido, e a menos de cinco minutos para o final, chegou o tanto do Universidad de Alicante. O gol de Pao Castagena a pase de Espino decantou o partido polo lado local.
Nos restantes catro minutos de duelo, o Viaxes Amarelle xogou a polo empate. Basanta ordeou ás súas futbolistas cun xogo de cinco, pero as rivais souberon poñer en apuros ás galegas, que xa non foron capaces de xerar ocasións claras de gol. Nin a vitoria nin o empate foron posibles en Alicante, e o cadro coruñés regresa a casa coas mans baleiras.
O seguinte encontro das herculinas será o sábado, 17 de abril, ás 18:00 horas, ante un rival directo pola permanencia, o Xaloc Alacant, que visita ao Amarelle no pavillón municipal da Sagrada Familia na Coruña.
FICHA TÉCNICA
UNIVERSIDAD DE ALICANTE FSF: Elena, Sara, Pao, Melli e Elena – quinteto inicial -. Tamén xogaron: Raquel, Mónica, Rocío, Ángela, Miriam e Anita
VIAXES AMARELLE FSF: Leti Rojo, Cris Lourés, Laura Doce, Candela e Patri Corral – quinteto inicial -. Tamén xogaron: María Gómez, Tana, Yaiza, Sofía, Patri Romaní.
GOLES: 0-1 Yaiza (min. 5); 1-1 Rocío (min. 25); 2-1 Pao (min. 35)
ÁRBITROS: Carlos Rabadán e Pablo Delgado, do Colexio de Árbitros da Comunidad Valenciana. Mesa: Amparo Huerta, do colexio valenciano. Recibiron tarxeta amarela Patri Corral e o técnico Jorge Basanta, por parte do Viaxes Amarelle FSF
INCIDENCIAS: Partido correspondente á terceira jornada del Subgrupo D de la Primera División Nacional Femenina de Fútbol Sala da RFEF disputado o sábado 10 de abril de 2021 no pavillón Universidad de Alicante (San Vicente del Raspeig).
