O Viaxes Amarelle militará na vindeira tempada en Segunda División e o fará con tres baixas no seu plantel. Marta López ‘Martita’, Anna Escribano e Sofía Rodríguez non seguirán co club coruñés.
Así o informou o propio equipo en redes sociais, con mensaxes de agradecemento para cada unha das xogadoras.
A capitá Martita será unha baixa importante para o club, ao que chegou procedente do Club del Mar. A xoven xogadora estaba a vivir unha gran tempada, ata que unha lesión truncou o seu progreso neste curso. A galega fóra convocada pola Selección sub21 no mes de decembro, pero non puido acudir á convocatoria tras mancarse no xeonllo e estar fóra da pista o resto da campaña.
Unha lesión alonxa a Martita da convocatoria coa Selección sub-21
Pola súa banda, Anna Escribano deixa o Amarelle despois dunha única tempada. A pivote catalá chegara á Coruña procedente doutro equipo galego, o Poio Pescamar.
Finalmente, Sofía Rodríguez tampouco seguirá no conxunto laranxa. Antes de adicarse por completo ao equipo de futsal estivo formando parte da canteira branquiazul do Dépor ABANCA durante tres anos.
O Amarelle deberá traballar en configurar un plantel competitivo para voltar á Primera División, nunha liga que dará comezo na última fin de semana do mes de setembro.
