O conxunto galego do Viaxes Amarelle FSF, dirixido por Jorge Basanta, recuperará esta fin de semana o partido adiado da primeira xornada da segunda fase da competición estatal de fútbol sala feminino. O duelo ante o Rayo Majadahonda será clave para medir as posibilidades de salvación evitando o play-off pola permanencia. A cita será este sábado, 1 de maio, ás 19:30 horas no polideportivo municipal de La Granadilla.
O rival das herculinas nesta xornada é un equipo que marca o posto da permanencia directa na Primeira División. Actualmente, o equipo majariego ocupa a cuarta posición do grupo D, sumando 44 goles a favor e 52 tantos en contra, tras os 18 encontros disputados ata a data. O Rayo Majadahonda suma seis vitorias, un empate e once derrotas, con 19 puntos no casilleiro e un coeficiente do 1,055.
En total, as locais afrontaron tres das cinco xornadas da primeira volta da segunda fase, cun balance de dúas derrotas e unha contundente vitoria por 0-5 ante o Cidade de As Burgas na última xornada disputada. A última axendada, ante o Gran Canaria FSF Teldeportivo, foi adiada.
Pola súa banda, o Viaxes Amarelle regresou aos adestramentos o luns, despois do encontro da pasada fin de semana en Zaragoza, onde deixaron escapar dous dos tres puntos que conseguiran cunha vantaxe de 1-3 no marcador, nos últimos minutos do partido.
O Amarelle viaxa co plantel ao completo
Para as coruñesas este é un partido clave para medir as súas aspiracións de cara ao tramo final da competición de poder loitar pola permanencia na elite, sen ter que pasar por un play off da permanencia e abrir distancia cos postos de descenso directo.
O Amarelle viaxa con toda o plantel dispoñible, a excepción de Martita, que continúa co proceso de recuperación da operación do LCA.
Para este encontro, Basanta convoca a:
- Leti Rojo
- Sandra Rodríguez
- Tami Gándara
- Candela Soria
- Patri Romaní
- Cris Lourés
- Sofía
- Patri Corral
- Yaixa
- María Gómez
- Anna Escribano
- Lau Doce
- Tana
O partido poderá seguirse vía streaming a través da canle de Twitch do Rayo Majadahonda.
