O derbi no máis alto da Segunda División caeu do lado coruñés (0-2). O equipo herculino do Viaxes Amarelle FSF, dirixido por Jorge Basanta, esperaba con ansia este contra segundo, o Cidade de As Burgas FSF GLS, ambos os conxuntos son os claros aspirantes a loitar polo play- off. Igual pasaba no bando local. As verdibrancas que adestra Manolo Codeso querían recurtar distancias e presentar a súa candidatura ao liderato pero, por máis que buscaron teimudamente a porta coruñesa, non conseguiron marcar.
As herculinas conseguían facer bo o seu primeiro minuto e medio de xogo e facer dous goles, de Lau Doce e Cris Lourés, que terminarían por determinar os tres puntos para o Viaxes Amarelle FSF. Con este resultado as laranxas afiánzanse no liderado, distanciándose en oito puntos do seu rival desta fin de semana, o Cidade de As Burgas FSF GLS.
O partido empezaba cun Viaxes Amarelle FSF moi metido no partido como adoita ser costume, e aos quince segundos de partido conseguía adiantarse no marcador, tras varios disparos desde dentro da área, onde o de Lau Doce terminaría por ir ao fondo da rede e poñer o 0-1 no marcador.
Co pau do primeiro gol nos primeiros segundos para o Cidade de As Burgas FSF GLS, o conxunto herculino non baixaba o ritmo e seguía tentando facer dano, e ao minuto e vinte segundos, Cris Lourés cun disparo exterior de 9 metros conseguía subir o 0-2 ao marcador.
1. Cidade de As Burgas vs Viaxes Amarelle / VIAXES AMARELLE
Cidade de As Burgas vs Viaxes Amarelle / VIAXES AMARELLE
2. Cidade de As Burgas vs Viaxes Amarelle / VIAXES AMARELLE
Cidade de As Burgas vs Viaxes Amarelle / VIAXES AMARELLE
3. Cidade de As Burgas vs Viaxes Amarelle / VIAXES AMARELLE
Cidade de As Burgas vs Viaxes Amarelle / VIAXES AMARELLE
4. Cidade de As Burgas vs Viaxes Amarelle / VIAXES AMARELLE
Cidade de As Burgas vs Viaxes Amarelle / VIAXES AMARELLE
Apenas chegaramos aos dous minutos de xogo, e Manolo Codeso víase obrigado a pedir un tempo morto para ordenar o equipo. As herculinas seguían buscando o gol, e xeraban perigo. Pero non era menos o que xeraban as locais, sobre todo con balóns longos colgados á área, onde a defensa, e sobre todo Leti Rojo, baixo paus, tiñan que facer un gran traballo para conseguir irse ao tempo de asueto coa vantaxe conseguida nos minutos iniciais.
Logo do paso por vestiarios, o Viaxes Amarelle FSF seguía buscando ampliar distancias, pero o Cidade de As Burgas FSF GLS tamén xeraba perigo e buscaba recortar distancias no marcador.
O partido estaba moi igualado sobre a cancha e calquera dos dous rivais podía atoparse co gol, pero a defensa local, e sobre todo a porteira herculina propuxéronse evitar os goles nesta segunda metade.
1. Cidade de As Burgas vs Viaxes Amarelle / VIAXES AMARELLE
Cidade de As Burgas vs Viaxes Amarelle / VIAXES AMARELLE
2. Cidade de As Burgas vs Viaxes Amarelle / VIAXES AMARELLE
Cidade de As Burgas vs Viaxes Amarelle / VIAXES AMARELLE
3. Cidade de As Burgas vs Viaxes Amarelle / VIAXES AMARELLE
Cidade de As Burgas vs Viaxes Amarelle / VIAXES AMARELLE
4. Cidade de As Burgas vs Viaxes Amarelle / VIAXES AMARELLE
Cidade de As Burgas vs Viaxes Amarelle / VIAXES AMARELLE
As herculinas terían un par de xogadas moi claras, onde as locais evitaban o gol practicamente sobre a liña, coa porteira xa pasada; pero o mesmo ocorría na área herculina con varios balóns que se paseaban por diante da liña de gol.
O Cidade apostou polo xogo de cinco para tentar marcalle ao Amarelle
Nos últimos tres minutos e medio de partido, o Cidade de As Burgas FSF GLS adestrado por Manolo Codeso optou polo xogo de cinco para tentar xerar máis perigo e poder puntuar. Loitaron e buscaron a meta rival con tesón, pero unha gran defensa das herculinas conseguía manter a súa portería a cero.
As laranxas incluso estiveron preto de poder ampliar a renda no marcador pero, ao cabo, o electrónico permanecería co 0-2, grazas aos goles dos primeiros minutos. Así levaba o Viaxes Amarelle tres puntos de ouro dos Remedios. O conxunto herculino, que consegue distanciarse en oito puntos do seu rival desta fin de semana e actual segundo clasificado.
Tras este novo partido oficial da tempada, o equipo regresará o luns aos adestramentos, para preparar o seguinte duelo da próxima fin de semana. O encontro correspondente á décimo oitava xornada da Segunda RFEF Futsal Feminina, terá lugar o sábado 19 de marzo de 2022 no Pavillón Municipal da Sagrada Familia (A Coruña) ás 18:00 horas, recibindo ao Ourense Envialia FSF B, décimo clasificado nesta Segunda División da RFEF.
Pola súa parte o Cidade de As Burgas recibe nos Remedios o sábado 19 de marzo ás 17:00 horas ao U.D.C. Txantrea K.K.E., sétimo clasificado.
Cidade de As Burgas vs Viaxes Amarelle / VIAXES AMARELLE
