Este sábado, 19 de decembro, o Ence Marín e o Viaxes Amarelle FSF enfrontánse no partido do cruce de dieciseisavos de final da Copa da Raíña de Fútbol Sala. Ambos loitarán por pasar de fase nun partido que se disputará no pavillón municipal de A Raña ás 17:00 horas.
As locais militan en Segunda División, mentres que as visitantes deixaron atrás esa categoría a tempada pasada e agora compiten na Primeira División Feminina de Fútbol Sala. Os dous galegos coincidiron na tempada 19/20 en Segunda.
Actualmente, o Ence Marín ocupa a segunda posición do grupo 1A, con nove puntos grazas a tres vitorias e dúas derrotas, con 12 goles a favor e 11 en contra. Pola súa parte, as coruñesas do Amarelle veñen dun duelo moi disputado contra o Ourense Envialia. Ademais da derrota, o cadro de Basanta tivo que lamentar a lesión de Martita. Como notas positivas están a recuperación de Anna Escribano.
O partido retransmitirase en directo a través da canle de Twitch do equipo local, o Ence Marín.
🏆 DE LA REINA
Llega a Marín la Copa de la Reina@Grupo_Ence @marin_futsal
🆚@amarellefsf
📅 Sábado 19 de diciembre
⏱️ 17:00
🏟️ Pabellón de A’Raña
📍 Marín
🚪A puerta cerrada
📺 TWITCH – https://t.co/v1s9tT9WuD#xuntadegalicia #concellodemarin #enceplansocialpontevedra pic.twitter.com/o4NzKCFKAz
— Marin Futsal (@marin_futsal) December 16, 2020
Polémica por non poder usar as duchas logo do partido
Segundo informa o equipo da Coruña, ante a actual situación de crise sanitaria, o Concello de Marín, onde se celebra este encontro entre o Ence e o Amarelle, informoulles de que as duchas das instalacións “non se poden utilizar”.
O club herculino denuncia esta situación, xa que non entende este comunicado “en tempos de suposta solidaridade e respeto aos cidadáns do noso país nestes momentos tan complicados”.
No mesmo escrito, o equipo da Coruña expón que se puxo en contacto co goberno local para chegar a un acordo que “non comprometa a integridade sanitaria das xogadoras do Viaxes Amarelle“. A nota do Viaxes Amarelle fai o seguinte relato dos feitos:
“O concelleiro de deportes de Marín, trasladou ao noso club que dentro do seu protocolo non entraba a viabilidade de poder permitir o uso das duchas, e que non podían facer excepcións. Ante esta tesitura, o club coméntalle que estamos a facer un traslado de máis de 140 quilómetros e 2 horas de autobús, e que os riscos dunha mala hixiene podería provocar un risco na saúde das xogadoras; ademais de facer ver que estamos a falar dunha competición de Copa da Raíña de Fútbol sala, de ámbito nacional e que segue un estrito protocolo con test semanais e controis informáticos que xestiona a Real Federación Española de Fútbol.
A pesar de todo o exposto polo club, o Concelleiro de Marín indica que se entendemos que non se garanten os nosos mínimos de seguridade, debemos esixir á RFEF que suspenda as competicións deportivas; ao cal, a nosa entidade, infórmalle que levamos competindo desde o mes de outubro polo territorio nacional, sen problemas deste estilo; entendendo todos os concellos a necesidade de que o equipo visitante, poida ducharse nas instalacións que visita”.
O Amarelle quixo agradecer ao Ence a súa colaboración, ante a oferta de facerse cargo da desinfección dos vestiarios, pero o Concello de Marín “establece que é algo do que non poden facerse responsables as entidades deportivas”, traslada o Viaxe Amarelle nunha nota.
Nese mesmo documento o conxunto herculino pon como exemplo ao Concello da Coruña e como actúa nestes casos.
“O propio Concello da Coruña, nun principio estableceu, que as entidades non poden usar os vestiarios, nin as duchas para adestramentos, nin en encontros; pero en casos de competicións de ámbito nacional e que impliquen que conxuntos se despracen fóra do termo municipal; permíteselles o uso dos vestiarios, coas medidas pertinentes de aforamento e distanciamento; para poder conter a expansión do virus”
Ante esta situación, o club visitante asegura terse posto en contacto coa Real Federación Galega de Fútbol e a Secretaría Xeral para o Deporte.
🚨 ÚLTIMA HORA 🚨
El @ConcellodeMarin no permitirá la ducha del equipo visitante en el partido de Copa de la Reina de Fútbol Sala#FutsalFemenino #CopaDeLaReinaFS #Dieciseisavos #ConcelloDeMarín
📷 Fotografía de @FiestasGalicia
* más info en https://t.co/r1PidTMSvS pic.twitter.com/5JDWPf1nO7
— Viaxes Amarelle FSF (@amarellefsf) December 17, 2020
A Copa do 2019/2020 decídese esta fin de semana
Este venres Burela e Poio disputan as semifinais do trofeo da tempada 2019/2020 en Málaga, onde decidirase as campioas o próximo domingo, 20 de decembro.
