O Viaxes Amarelle FSF será o anfitrión esta xornada dunha nova edición dun duelo galego na Primeira División de futsal. Será ante o Cidade de As Burgas GLS, o sábado, 13 de febreiro, ás 17:00 horas, nun partido entre dous equipos que queren evitar o descenso, un feito que achegará aínda máis intensidade a un duelo de rivalidade rexional como este entre coruñesas e ourensás.
No caso das locais, este será o seu terceiro derbi galego consecutivo na competición regular. Nesta ocasión as herculinas contará co factor a favor de xogar en casa, no pavillón municipal da Sagrada Familia da Coruña.
O Viaxes Amarelle FSF chega a esta cita coa corentena e as súas repercusións aínda recentes. As futbolistas que adestra Jorge Basanta non tocaron a pista ata a semana pasada, cando volveron aos adestramentos e xogaron na fin de semana contra o Poio Pescamar, cun resultado final 2-0 en contra das coruñesas.
Porén, desde a fin do illamento o conxunto traballa diariamente e seguirá así ata hoxe, venres 12 de febreiro, onde terminará de preparar un encontro moi importante para as herculinas. As laranxas saben que precisan sacar os tres puntos para distanciarse da zona baixa. O obxectivo do Viaxes Amarelle FSF segue pasando por chegar á segunda fase co máximo número de puntos posibles.
No bando contrario está o Cidade de As Burgas, que tamén chega moi necesitado de puntos e vitorias. As visitantes son un equipo que esta tempada está sufrindo para puntuar. Até o momento conseguírono só en tres ocasións. Acumulan no seu haber unha vitoria e tres empates. A suma destes resultados positivos as deixan penúltimas na táboa clasificatoria cun total de cinco puntos. Pero se comparamos coas súas rivais desta fin de semana, as de ourense unicamente teñen un punto menos que as coruñesas. Isto fala da paridade coa que está a clasificación na zona baixa, e dos apuros cos que chegan ambas escuadras á cita desta semana na Coruña.
No seu último encontro, o Cidade de As Burgas tamén competiu contra o Poio Pescamar e tamén sufriu unha derrota, previsible dada a diferencia de nivel e na táboa de ambas as dúas plantillas. A súa posición actual obríganas a loitar por non descender de categoría, polo que gañar no partido desta fin de semana é vital nea lea xa que suporía ás ourensás vencer a un rival directo. Tamén no caso contrario, é dicir, as coruñesas queren imporse a un conxunto co que comparten obxectivo.
Malia ser o plantel máis xove da competición, as xogadoras de Manolo Codeso demostraron en numerosas ocasións o seu alto nivel. O bloque mezcla a mocidade que aportan xogadoras da canteira verdibranca (como a ala Fara Antolín Pérez, a pívot Sol Pedrera Michelena, ou a cancerbeira África Pazos Capell), e a veteranía, oficio e calidade que teñen nas botas mulleres como Lucía Nespereira.
O partido celebrarase a porta pechada, pero a TVG2 será a canle encargada de retransmitilo en directo na televisión e na web de directos da CRTVG. Todo apunta a que Viaxes Amarelle FSF e Cidade de As Burgas plantexarán ante as cámaras da Galega, un duelo emocionante e igualado de cinco contra cinco.
⚔💪⚽️ JUGAR A DISFRUTAR ‼️#PrimeraRFEFfutsal | Tercer #DerbiGallego del 2021 para las herculinas contra un rival directo
⚽️ @amarellefsf 🆚️ @cidadeasburgas
🗓 Sábado 13/02/2021
⏰ 17:00 h
📺 Directo en TVG2 @EnXogo_tvG2#FutsalFemenino #jornada14 #vamosNaranjas pic.twitter.com/NgpwR2KDlL— Viaxes Amarelle FSF (@amarellefsf) February 10, 2021
Baixas no Viaxes Amarelle
Para este partido que xoga como locais, o Viaxes Amarelle segue lamentando a baixa de Martita. A esta engádese o feito de que Yaiza é dúbida debido ás molestias musculares que presentou nos últimos días, polos que non puido adestrar con normalidade.
