O Viaxes Amarelle só ten un partido máis por xogar para despedir a competición regular e o disputará en casa ante o Bodegas Sommos Intersala Zaragoza FSF. O rival, xa descendido matemáticamente, vén dunha traxectoria ascendente, polo que non porá as cousas fáciles ás coruñesas. A cita terá lugar este sábado, 12 de xuño, ás 18:30 horas no pavillón da Sagrada Familia.
As futbolistas visitantes chegan a terras galegas co descenso xa confirmado, aínda que se atopan nun dos mellores momentos deportivos. O conxunto maño suma 43 goles a favor por 99 en contra, tras os 25 encontros disputados ata a data, cun balance de 4 vitorias, 6 empates e 15 derrotas. En total suman 18 puntos, cun coeficiente do 0,720.
No inicio da segunda fase, o Intersala entrabano grupo D como o penúltimo clasificado, con 6 puntos, pero conseguiu retomar a boa senda para sumar 12 máis. Ata hai unhas semanas, en Zaragoza aínda había esperanza pola salvación, xa que o equipo acumulou tres xornadas consecutivas sen perder, cun empate ante o Penya Esplugues, e as vitorias contra o Cidade de As Burgas e o Gran Canaria FSF Teldeportivo.
Pola súa banda, o equipo herculino suma 23 puntos e un coeficiente de 0,9583 despois de 6 vitorias, 5 empates e 13 derrotas. Con este balance, son os sextos clasificados, e deberán xogar contra o terceiro ou cuarto clasificado da Segunda División pola permanencia na máxima categoría. Na primeira volta, as galegas cederon dous puntos ante as mañas, cun empate.
O Amarelle prepara o último desafío en casa
O conxunto dirixido por Jorge Basanta regresou aos adestramentos este martes, tomando como xonada de descanso o luns tras a viaxe da pasada fin de semana aAlicante, onde colleitou un empate ante o Xaloc Alacant. O Amarelle adestrou con normalidade ao longo da semana e este mesmo venres terán xornada de descanso, para finalizar o sábado a competición regular.
Nesta fin de semana, as herculinas saben que non teñen un rival doado, xa que ven de puntuar nos seus últimos tres encontros, e co que empataron cun 3-3 na primeira volta. Nese primeiro duelo, as galegas conseguiran irse no marcador cun 1-3, pero o Intersala foi quen de recompoñerse e conseguir a igualada cun gol nos últimos segundos.
O Amarelle suma un solitario punto que serve para manterse salvado (3-3)
Desta vez, o Viaxes Amarelle afronta o partido como unha preparación para o duelo clave da tempada, que terá que disputar a vindeira fin de semana, malia que a Real Federación Española de Fútbol aínda non deu a coñecer ningunha información relativa á Fase de Promoción.
Para o partido deste sábado, Basanta recupera a Cris Lourés, que fará algunha rotación para ir acumulando sensacións previas ao encontro da próxima semana. Quen non estará é Candela Soria, que segue de baixa, ao igual que Martita, que segue en proceso de recuperación da lesión do ligamento cruzado anterior.
A convocatoria está formada polas seguintes xogadoras:
- Leti Rojo
- Sandra Rodríguez
- Tami Gándara
- Patri Romaní
- Cris Lourés
- Sofía Rodríguez
- Patri Corral
- Yaiza
- María Gómez
- Anna Escribano
- Lau Doce
- Tana Florentín
O encontro poderá seguirse en directo vía streaming a través da canle de YouTube do propio Viaxes Amarelle.
