Parece non ter rival este ano o Viaxes Amarelle FS nesta Segunda División de futsal. Tras a última vitoria colleitada o pasado 18 de decembro por 2-7 ante o FSF Castro, pupilas de Jorge Basanta conseguen pechar este ano 2021 cun pleno conseguindo sumar 30 puntos, tras impoñerse nos 10 partidos que disputou.
A súa boa dinámica deixa ao conxunto herculino do Viaxes Amarelle FS con cinco puntos de vantaxe sobre o segundo clasificado, que é tamén galego. Falamos do Cidade de As Burgas. Con seis puntos sobre o terceiro clasificado hai outro galego, o Bembrive. Mentres que o cuarto lugar, con oito puntos de diferencia co seu predecesor, é para as lucenses do FSF Castro.
Aínda queda moita competición por diante, e tres xornadas para pechar a primeira volta da competición pero con este gran inicio de tempada, o Viaxes Amarelle FS sitúase coma un dos grandes favoritos para ascender á categoría de ouro do futsal.
Tras esta décima xornada da competición regular, o equipo laranxa do Viaxes Amarelle estará de vacacións ata o próximo 4 de xaneiro que regreserán aos adestramentos para empezar a preparar o primeiro encontro do ano 2022 no Grupo I da Segunda RFEF Futsal Feminino.
Outro dos conxuntos galegos que están a facer unha gran tempada son as verdibrancas do Cidade de As Burgas, adestradas polo técnico Manolo Codeso. O conxunto ourensá sitúase no banzo de prata da táboa clasificatoria e suma 25 puntos. Sen dúbida outro equipo moi a ter conta para loitar firmemente polo ascenso á elite estatal.
No posto de bronce aparece un gran Bembrive que suma 24 puntos e que xunto ao Castro FSF (no cuarto lugar da táboa) intentarán loitar por estar nos postos altos da clasificación. Catro posicións para catro equipos galegos son mostra do gran nivel amosado esta tempada polos nosos conxuntos.
Así van Valdeires, Ourense Envialia B, A Fervenza e 5 Coruña FSF
Na zona máis tranquila está un Valdetires que acumula 17 puntos no casilleiro e un Ourense Envialia B con 12 puntos. Equipos na zona temperada a táboa que neste ano 2022 quererán asegurar canto antes a salvación e mirar máis alto.
Neste repaso polos conxuntos galegos da División de prata, atopamos ao Comarcal A Fervenza e o 5 Coruña FSF nos postos máis comprometidos e que terán que apretar neste novo ano que empezar para fuxir da zona perigosa. As rosas suman seis puntos para situarse no posto 12º, mentres que o 5 Coruña FSF son penúltimas con catro puntos no casilleiro.
