Castro e Amarelle estreábanse sobre a cancha co primeiro partido de pretemporada para ambos equipos. Nesta ocasión, foi o conxunto coruñés o que visitaba a cancha dun FSF Castro, que a tempada pasada foi o equipo revelación da División de prata do futsal.
O encontro estivo sempre dominado por un conxunto herculino que foi de menos a máis durante os corenta minutos e terminou por sumar unha vitoria por 1-8 tras goles de Cris, Candela (3), Sofía, Martita (2) e Patri Corral.
O encontro empezaba cun equipo laranxa que quería ter o balón e xerar xogo, pero o letargo de non competir nos últimos meses apesadumbraba o xogo e non permitía que o partido collese dinamismo suficiente; aínda que Cris conseguía abrir o marcador aos cinco minutos poñendo o 0-1 para as visitantes.
O conxunto local tentaba xerar perigo, pero as herculinas mantiñan a súa posición na cancha e Candela poñía o 0-2 no marcador a falta de sete minutos para o tempo de asueto. O Castro non se daba por rendido e conseguía reducir distancias no marcador co 1-2, anotado por Vero no minuto dezaseis de xogo; marcador co que o partido terminaría na súa primeira metade.
Fin da primeira toma de contacto na pista con moitas ganas e facendo un bon papel,pero non foi suficiente para vencer ao @amarellefsf de 1ª División.
Imos vermellas!
Bloques Cando FSF Castro 1
Vero
Viaxes Amarelle FSF 8
Cris,Candela (3),Sofía, Martita (2) e Patri Corral pic.twitter.com/P39dAsQqdz— FSF Castro (@Castrofutsalfem) September 30, 2020
Na continuación, as herculinas subiron un punto a intensidade e o xogo, á vez que as visitantes notaban o cansazo e a diferenza física co seu rival; mentres que Candela aproveitaba para poñer o 1-3 aos tres minutos de comezar a segunda metade.
Pouco antes da medianía do segundo tempo, Sofía poñía o 1-4 e deixaba o partido cada vez máis de fronte para as visitantes. Xa no último cuarto de partido dous goles practicamente consecutivos de Martita e o terceiro na conta particular de Candela; que levaban o luminoso ata un parcial de 1-7, resultado que non sería definitivo, pois Patri Corral anotaría o 1-8 a falta de tres minutos para o final, permitíndose o luxo as herculinas de fallar un dobre penalti.
Típico primeiro partido de pretemporada con moitas cousas para corrixir para ambos equipos, que pode quedar disimulado pola diferenza de goles no marcador; pero non na retina de ambos adestradores para mellorar o equipo e que cada vez alcance o punto óptimo de fronte o inicio da competición en Primeira División, o Amarelle e en segunda, o Castro.
FICHA DEL PARTIDO
FSF Castro: Area, Lara, Sainza, Noe Pires, Pasto (cinco inicial), Antía López, Vero, Antía, Tere, Rosalía, Zaida, Uxía Díaz, Jenny.
Viaxes Amarelle FSF: Leti Rojo, Patri Corral, Martita, María Gómez, Laura Doce (cinco inicial), Cris, Candela, Carlita, Marta Hermo, Sandra, Sofía, Tami.
Goles: 0-1 Cris (min. 5); 0-2 Candela (min. 13); 1-2 Vero (min. 16); 1-3 Candela (min. 23); 1-4 Sofía (min. 27); 1-5 Martita (min. 32); 1-6 Martita (min. 32); 1-7 Candela (min. 33); 1-8 Patri Corral (min. 37).
Árbitros: López Ramudo e Riveiro Domínguez do Colegio de Árbitros de Lugo. Mesa: Serrano Gálvez del Colegio de Árbitros de A Mariña.
Tarxetas: Diego e Marta Hermo do Viaxes Amarelle FSF (cartón amarelo).
Incidencias: Partido amistoso correspondente á pretemporada 2020-2021 disputado o miércoles 30 de setembro de 2020 no Pavillón Municipal de Castro Ribeiras de Lea (Castro de Rei) entre o FSF Castro e o Viaxes Amarelle FSF.
