O conxunto galego do Viaxes Amarelle FSF terá que recuperar nestas dúas próximas semanas os partidos aprazados que acumulou polos positivos en COVID-19 do pasado mes de xaneiro; e o primeiro deles será como visitante.
O Viaxes Amarelle FSF, encadrado no Subgrupo A da Primeira División do fútbol sala feminino da RFEF, afronta o partido aprazado da undécima xornada, que terá lugar este domingo 14 de marzo de 2021 no C.E.M. Lles Moreres (Esplugues de Llobregat), visitando ao AE Penya Esplugues a partir das 12:00 horas.
O rival das herculinas para este martes será o AE Penya Esplugues, un equipo que iniciou a competición con tres vitorias consecutivas que o levaron á primeira posición do grupo, pero segundo pasaban as xornadas o conxunto catalán foise desinflando e non conseguiu volver puntuar até o pasado 20 de febreiro de 2021, onde asinou táboas co Ourense Envialia FSF.
Actualmente, as catalás encadeaban tres derrotas consecutivas nas últimas xornadas, pero no partido que disputaron este venres fronte ao Poio Pescamar FSF conseguiron sumar un punto, tras empatar a tres goles.
O conxunto de Esplugues de Llobregat suma 21 goles a favor, e 36 tantos en contra; tras os 14 encontros disputados até a data; e onde suma 3 vitorias, 2 empates e 9 derrotas; que o colocan na sexta posición da xeral, cun punto máis que as herculinas.
O equipo herculino, que adestra o técnico Jorge Basanta, vén de ceder unha contundente derrota fronte ao líder da competición; pero as galegas xa fixeron punto e aparte para centrarse nos importantes dous últimos partidos desta primeira fase, onde tratarán de sumar o máximo número posible de puntos para encarrilar a segunda fase da competición.
O Viaxes Amarelle FSF é consciente de que enfronte atoparase cun rival moi motivado e con moita máis experiencia na categoría e que están nunha loita directa para finalizar esta primeira fase, e onde as herculinas queren desfacer o golaveraje ao seu favor, tras a derrota no partido da primeira volta por un exiguo 0-1, para as catalás.
A convocatoria para este fin de semana de Jorge Basanta está formada por todas as xogadoras dispoñibles para o técnico do conxunto coruñés está formada polas porteiras Sandra Rodríguez, Leti Rojo e Tami Gándara, e así como polas xogadoras de cancha: Candela Soria, Cris Lourés, Sofía Rodríguez, Patri Corral, Yai Otero, María Gómez, Anna Escribano, Leti Rojo e Lau Doce.
