O adestrador do CD Toni Sariol – APG Bierzo, Álvaro Sariol, afronta con ilusión e aspiracións este inicio de competición a Liga Senior Feminina Galega de Hoquei a Patíns. O conxunto leonés únese á competición galaica de Liga logo de disputado tamén a Copa.
AS NOSAS: Cales son as vosas aspiracións nesta competicion que da comenzo?
Álvaro Sariol: Para esta tempada o obxectivo é o de, en primeiro lugar, competir cada partido ao máximo, este ano temos xogadoras moi novas que se sumaron desde as categorías inferiores. A idea é competir polo terceiro lugar xa que na Copa estivemos a piques de acadalo e nesta Liga sería un bonito obxectivo.
Álvaro Sariol, adestrador do APG Bierzo: “Cremos que teñe moita calidade, pero aínda está falta de experiencia e madurez competitiva, polo que comentaba antes”
A.N.: Como definirías ao grupo que adestras?
Álvaro Sariol: Sobre a plantilla o primeiro que cabe subliñar é que é moi nova. Certo é que a maioría das da Liga o son, pero na nosa hai moitas nenas que subiron ao senior feminino e que son alevíns de segundo ano, e dicir, teñen 13 anos. Eso é algo a valorar.
Sobre a plantilla, cremos que teñe moita calidade, pero aínda está falta de experiencia e madurez competitiva, polo que comentaba antes. É, polo tanto, un ano de adaptación sobre todo. Moitas delas xogan xuntas nos seus respectivos equipos e lo levan facendo desde pequenas. Podemos dicir que temos un grupo bastante amplo, xa que aínda que contemos cun bloque máis ou menos fixo, temos outras xogadoras que van convocadas de cando en cando e suman no equipo.
Álvaro Sariol, adestrador do APG Bierzo: “o que máis lle falta a esta plantilla é gol, xa que a parte de ter a nosa capitá como xogadora referente neste aspecto”
Para nós, o que máis lle falta a esta plantilla é gol, xa que a parte de ter a nosa capitá como xogadora referente neste aspecto, cústanos moito que o resto de xogadoras aporten tantos. Polo que atinxe ao resto, si temos todo o que precisamos, xa que en termos de xogo a plantilla ten moita calidade e proxección.
A.N.: No primeiro partido enfrentádevos ao HC Raxoi. Logo do vivido na Copa Federación, como afrontades este partido concreto? (*)
Álvaro Sariol: O partido contra o HC Raxoi é sempre un partido especial. Enfréntanos unha rivalidade sá. Xa que sempre houbo unha cordialidade entre ambos clubs. As nosas xogadoras coñecen a moitas das do Raxoi e son boas amigas. Pese a todo, nós queremos gañar o partido, como elas tamén quererá. Aínda que nesta ocasión imos algo mermadas.
Álvaro Sariol, adestrador do APG Bierzo: “Temos as baixas nosa capitá e Andrea para o partido co HC Raxoi. Temos rivalidade sá pero queremos gañar o partido”
A nosa capitá non pode xogar e nos falta tamén a outra xogadora senior, Andrea, que non pode desplazarse nesta ocasión. Con todo, afrontamos o partido coas ganas de sempre e esperamos sacar algo positivo da nosa visita.
__________
(*) FINALMENTE O PARTIDO PREVISTO PARA O DOMINGO 2 DE FEBREIRO TIVO QUE SER APRAZADO
