As probas de menores da carreira do Ventorrillo ampliarán o seu horario previsto e as de peques comezarán ás 12.55 horas, segundo informa a Concellería de Deportes do Concello da Coruña.
O récord de inscrición da penúltima proba de Coruña Corre, este domingo 6 de novembro no Ventorrillo, obrigou a desdobrar algunhas carreiras. As últimas series, as de peques, comezarán cara ás 12.55 horas, media hora máis tarde do inicialmente previsto.
A mañá deportiva dará comezo ás 10.00 horas coa carreira absoluta desta proba de Coruña Corre, á que se inscribiron máis de mil persoas.
Ás 11.15 chegará a quenda da sub-18 para mozos e mozas no Ventorrillo para comezar coas probas de menores. Estes son os horarios das seguintes carreiras:
- 11.30 Sub-16 masculina e feminina.
- 11.45 Sub-14 feminina.
- 12.00 Sub-14 masculina.
- 12.15 Sub-12 feminina.
- 12.25 Sub-12 masculina.
- 12.35 Sub-10 feminina.
- 12.45 Sub-10 masculina.
- 12.55 Peques.
A entrega de trofeos está prevista para as 13.25 horas na zona de meta.
