A nadadora coruñesa Almudena Quereda conseguía ser subcampioa na Copa do Mundo de natación adaptada en augas abertas. A galega colgouse do pescozo a prata na distancia de 3.000 metros na competición que tivo lugar en Cerdeña (Italia).
O ouro foi para Xenia Francesca Palazzo que obtivo dúas medallas nos Xogos Paralímpicos de París 2024. Esta era a terceira ocasión na que a deportista galega participaba nunha Copa do Mundo e a primeira que logra subir ao podio. As anteriores ocasións quedou dentro das dez primeiras.
Almudena Quereda, deportistas do Club Natación Liceo, é campioa de España en natación augas abertas categoría máster +40 na distancia de 3 quilómetros, un logro que acadaba hai uns meses ante competidoras sen discapacidade.
