Por quinta vez na súa historia e terceira de forma consecutiva a Selección Española de balonmán competirá nos Xogos Olímpicos. Con ela estará a galega Alicia Fernández, autora de tres goles no partido ante Arxentina, que mereceulle ás Guerreras o pase a Toquio 2021.
Alicia Fernández, que milita no SCM Ramnicu Valcea, foi unha das guerreiras seleccionadas por Carlos Viver para competir no Preolímpico de Llíria que daría a clasificación para os Xogos deste verán.
Vitoria de Alicia Fernández e as Guerreras
Nesta competición, a terceira e definitiva xornada da fase clasificatoria foi ante Arxentina, equipo ao que as españolas venceron por un 16-31, cun 10-19 ao descanso.
Neste encontro, ante unhas arxentinas moi loitadoras, Alicia Fernández sumou tres goles ao marcador español, que terminaría logrando a vitoria.
A galega foi clave tamén no partido ante Suecia, no que as Guerreras empataron no último minuto, deixando a clasificación pendente do partido con Arxentina. A xogadoras natural de Valdoviño foi autora dun gol a portería baleira a 30 segundos do final, colocando ás españolas a un punto das suecas. Finalmente, unha xogada final de Nerea Pena e Jennifer Gutiérrez deixaba o encontro en táboas.
Ver esta publicación en Instagram
Agora, as Guerreras teñen asegurado un posto nos Xogos Olímpicos 2021, e o fan sendo primeiras do Grupo I. Desta forma, as españolas evitarán no sorteo a Países Baixos, o seu verdugo na gran final do último Campionato do Mundo, celebrado en Xapón.
