Durante a segunda quincena deste mes de xaneiro, a Federación Española de Rugby (Ferugby) está a elixir o XV ideal das Leonas da última década. Entre as candidatas ás distintas posicións que conforman este equipo ideal, atópanse tres xogadoras do CRAT Residencia Rialta: Mona Castelo, Paula Mendín Alevín e Elsa Porto.
O funcionamento deste sistema de votación é o seguinte: O seleccionador do equipo feminino, José Antonio Barrio Yunque, propón a catro xogadoras para cada posto e a afección vota pola súa favorita nas contas de Twitter e Instagram da Ferugby.
Cada día abrirase a votación para unha das posicións e permanecerá aberta 24 horas. Ao rematar o prazo, a Federación sumará os resultados obtidos en ambas redes sociais.
O talento galego do CRAT ao máis alto nivel
Ademais de competir co CRAT na máxima categoría do rugby español, a Liga Iberdrola, estas galegas teñen experiencia internacional e foron escollidas polo seu seleccionador entre as mellores dos últimos dez anos.
Mónica Mona Castelo, a parte de ser unha das capitás do conxunto herculino, formou parte das Leonas, coas que acadou o Campionato de Europa do 2016, 2017 e 2019 e competiu no Mundial de Irlanda do 2017.
A súa carreira comezou aos 21 anos da man do CRAT, co que logrou unha Liga no 2015 e no 2019 e da Series VII no 2010. Co conxunto Irmandiño engadiu ao seu palmarés un campionato de España de Rugby VII e un subcambionato de España no 2019.
Paula Medín, coñecida deportivamente como Alevín, é xogadora do CRAT desde o 2001, co que logrou o título ligueiro en 2015. A cambresa conta no seu palmarés con varios títulos de competicións estatais e forma parte da Selección Española desde hai 14 ano, coa que competiu nos Xogos de Río 2016. Tamén acadou con este equipo un Campionato de Europa.
Elsa Porto, pola súa banda, tamén suma varios éxitos coa entidade coruñesa, como o título da Liga Iberdrola acadado no 2019. Con máis dunha década de experiencia ás súas costas, a deportista da Selección Galega e da Española forma parte (como as súas compañeiras) do proxecto ‘Yo seré Leona‘, sendo a madriña do Fendetestas.
Consulta nesta ligazón o listado completo de xogadoras candidatas.
Ver esta publicación en Instagram
