O equipo técnico da Selección Española Feminina de Rugby de XV que lidera José Antonio Barrio non se reserva e vai con todo á concentración que as Leonas Terán do 13 ao 18 de xaneiro en Almería. Neste Test Match de Almería mediranse a Escocia coa vista posta no VI Nacións. Non perden a perspectiva. Así, o adestrador ven de convocar a 26 leonas entre as que se atopa a xogadora do CRAT Coruña Paula Medín ‘Alevín’.
Na lista hai baixas de xogadoras habituais na Seven que caen da lista pola cercanía das Series Mundiais de Oceanía. Estas son as 26 xogadoras preseleccionadas agrupadas por clubs de procedencia e federacións territoriais. Madrid é a federación que máis efectivos achega. Galicia ten a Alevín como única representante procedente do CRAT Universidade A Coruña.
Nos próximos meses España xógase a súa participación no Mundial de Nova Zelanda 2021. As Leonas viven un gran momento de forma e de xogo e non queren baixar o ritmo. Na súa preparación o Test Match que se vai desenvolver en Almería o vindeiro 19 de xaneiro ten un importante papel. As entradas para o partido pódense mercar online e ademais o encontro, que se disputará ás 12:00 horas no Estadio Juan Rojas, poderá seguirse por Teledeporte
Segundo explicaban desde a Federación Española de Rugby: “Co triunfo no próximo Campionato de Europa como requisito indispensable para seguir na carrera cara á Rugby World Cup 2021, tamén é moi importante para as de José Antonio Barrio sumar a maior cantidade de puntos posibles no ránking de World Rugby, onde marchan novenas”.
Lembran desde a FER que o equipo gañador da Rugby Europe Women Championship 2020 vaise unir a Italia, Irlanda e Escocia nun torneo que se xogará en setembro e que decidirá unha praza directa e outra de repesca para o Mundial. A competición contará co semifinal e final e España quere ser campioa por octava vez, sumando así o seu quinto triunfo consecutivo no Europeo.
Na convocatoria das 26 leonas para a cita de Almería hai novidades como: Amalia Argudo, Irene Noguera, Elisabet Segarra e Ana Vila. Das 26 da preselección, Barrio terá que elixir a 23 para o Test Match. A xogadora do CRAT, Paula Medín ‘Alevín’, ten moitas posibilidades de estar entre das elixidas.
