Aldara Vázquez: “Quero seguir crecendo como xogadora”

A canteirá do CB Arxil, Aldara Vázquez, continuará defendendo as cores do seu club unha tempada máis.

Aldara Vázquez convértese na xogadora que mais tempadas leva vestindo a camiseta do CB Arxil  Aldara cumprirá así 21 tempada baixo a disciplina do equipo pontevedrés, co que alternará as súas aparicións no primeiro equipo, na a Liga Feminina 2, co filial o Mafari Café.

No CB Arxil destacan a súa visión de xogo, o seu bo un contra un e o seu acerto nos lanzamentos desde o perímetro. Do mesmo xeito que moitas outras das súas compañeiras, Aldara compaxinará a súa faceta de deportista coa súa faceta profesional como fisioterapeuta. Un sacrificio que desde o club agradecen.

Aldara Vázquez do mesmo xeito que outras xogadoras sempre están dispostas a colaborar en todas as actividades que o CB Arxil organiza campus, tres por tres, charlas, visitas a colexios, etc.

Consultado sobre que supón para ela xogar a súa tempada 21 co Club Baloncesto Arxil, Aldara Vázquez declaraba: “Supón seguir crecendo xogadora, moitos nervios e moitas ganas de dalo todo e gozar”.

Ao respecto do que espera desta tempada 2021-22, a deportista do CB Arxil dicía que agarda: “poder competir e loitar por chegar a Liga Challenge”.

Á afección, Aldara Vázquez diríalle que son “parte do equipo, que grazas elas é máis doado saír á pista e dalo todo, necesitámolas e queremos volver velas na bancada animando”.