A localidade murciana de Cieza levou a cabo a organización do XXII Campionato de España de marcha de invierno de promoción á que acudían cinco das nosas e nosos marchadores. Na cita, Aldara Meilán alzouse co triunfo.
O resultado máis salientable desta cita atlética foi o que protagonizaría a internacional lucense da Escola Atlética Aldara Meilán quen amosando a súa calidade lograba facerse comodamente co título de campioa de España Sub-18 logo de invertir sobre a distancia dos 5 Km. un crono de 23:27 quitando prácticamente un minuto á segunda clasificada.
Na mesma distancia e categoría hai que salientar tamén o bo papel da marchadora Natalia Rivas do Atletismo Valladolid que lograba o sétimo posto con 26:03
O resto de actuación galega correu a cargo da tamén lucense do Lucus Caixa Rural Noa Abelleira que remataba no posto 19ª nos 3 km. Sub16 cun rexistro oficial de 16:22, segundo informa a Federación Galega de Atletismo.
Na categoría masculina Nicolás Collazo do Ames Atletismo con 26:54 entraba en meta no posto 17º nos 3 km. Sub16 e Pablo Sánchez da Atlética Lucense no 13º con 23:56 sobre os 5 km. Sub18
