Espectacular fin de semana para o atletismo galego onde tanto as representantes femininas e masculinos acadaron un total de seis medallas a nivel individual e unha en conxunto nos distintos Campionatos de España tanto de marcha en ruta, disputado o domingo 16 de febreiro, como no de pista cuberta, que era de sábado a domingo.
Aldara Meilán subía ao chanzo en Torrevieja
O pasado domingo celebrouse o Campionato de España de Marcha en Ruta na cidade de Torrevieja. A selección galega Sub 16 e Sub 20 lograba un subcampionato nesta última categoria. As féminas acadaban un segundo posto que non quedaba moi lonxe das primeiras. O noso combinado tan só foi superado por un estreiro marxe duns escasos seis puntos pola Selección Catalana.
A este magnífico resultado enfadiuse unha medalla de bronce. Aldara Meilán, do Atlética Lucense, subía ao terceiro chanzo do podio cunha marca de 5 km en 24:19. O resto da actuación sería:
- 6º posición para María Marti.
- 10º Natalia Rivas.
- 19º Salomé Segade.
- 42º Marina Pajón.
Na Sub 20 as galegas estiveron a piques de entrar no podio, ó ocupar finalmente a cuarta posición. Nesta categoría nova e excepional medalla de bronce no individual para Iria Rivas con 50:25 quen melloraría o sétimo posto do Vendrell do ano pasado. O resto de marchadoras serían:
- 20º Sofía Campos Ares.
- 31º Celia Carracedo Pérez.
- 32º Alba Pérez Nieto.
No resto de categorías salientar o sétimo posto de Roberto Vieiro nos Sub 20 masculinos quen estaría acompañado no posto 31º por Hugo Martínez; 34º Nicolás Iglesias; 39 Roi Surribas e 53º para Ismael Díaz, e conseguindo en conxunto o sétimo posto por comunidades
Por último na categoría Sub 16, un cuarto posto do combinado autonómico quen tería en Brais Suárez ó mellor atleta do equipo logo de rematar no sexto posto cun crono de 23:56. Xunto el o resto de compoñentes serían, 12º Pablo Sánchez; 29º Elias Klein; 34º Miguel Alvariño e 39º para Javier Malingre.
Emilia Rodríguez, novo récord galego en Máster 40
No Campionato de España Máster, as marchadoras e os marchadores amosaron o seu excelente nivel. Cabe salientar a Emilia Rodríguez Baz do club S.A. Trega. Cun rexistro de 2h 03:50 na categoría máster 40 subía ao segundo chanzo do podía para colgarse a prata. Ademais estableceu un novo récord galego da proba.
Tres medallas traeron de volta os homes. O máis salientable sería o título de Campión de España para Juan Manuel Morales do Marineda Atlético quen na proba dos 20 km, marcaría un rexistro final de 1h.37:12 Con esta medalla o coruñés amplia o seu importante palmarés deportivo
O marchador de O Barco nas filas do Celta, Jose Fernández logaraba a segunda das medallas ó entrar na línea tras o marchador murciano Daniel López, logrando o subcampionato na categoría máster 35 cun crono 1h.38:24.
Eva Queimaño, cuarto posto en combinadas na pista cuberta con 3.506 puntos
Os éxitos galegos non quedaron só na marcha. O fin de semana tamén celebrouse en Salamanca o Campionato de España Sub 23. Na categoría Sub 20, o máis salientable sería a celeste Eva Queimaño cun cuarto posto na combinadas rematando con 3.506 puntos.
Cabe destacar tamén os postos finalistas que acadaron Ana Juncal do Atletismo Feminino Celta na modalidade de pértega cun 3.35 metros e Saray Amoedo do Vila de Cangas en triplo con 11.20 metros.
Elian Numa López do Coruña Comarca, confirmaba a súa excelente progresión logrando o subcampionato de España con 1:53.43. O ano pasado, sendo Sub20, xa conseguiría o campionato nacional de pista cuberta e o subcampionato no aire libre o que lle abriría as portas a internacionalidade.
