Case como se dun pecha de ciclo se tratase, o Pescados Rubén Burela FS dará o pistoletazo de saída á competición de Primeira División do Fútbol Sala español hoxe sábado, 17 de outubro, ás 18.00 horas, na pista de AD Alcorcón FSF. Trátase dun cruce con reminiscencias de final. Laranxas e alfareiras volverán reencontrarse despois de tres meses e medio desde a final de play off de Málaga que disputaron ambos os dous conxuntos e na que as Guerreiras se alzaron co título por 3-2. A cita poderá seguirse a través de Youtube.
Los Cantos recibirá as campioas cunha homenaxe moi especial á laranxa Cristina Pérez, polo seu labor como enfermeira en Madrid durante a pandemia. Así o deu a coñecer o equipo local a través da cartelería do partido nas súas redes sociais.
EL PRIMER EQUIPO JUEGA EN CASA| 🏠🐥
“PORQUE YA OS HABÉIS GANADO A PULSO
EL APLAUSO MÁS LARGO DEL MUNDO”
“Los Abrazos Prohibidos” @vetustamorlaHomenaje a Cristina Pérez 🏥👏
📝Jornada 1
🆚@burelafs
📅 Sábado, 17 de octubre
🕒18:00h
👩🏻💼A puerta cerrada#CorazónAmarillo pic.twitter.com/TEhjADr3dc— A.D. Alcorcón F.S.F. (@ADAlcorconFSF) October 15, 2020
Así é o Subgrupo B no que está o Pescados Rubén Burela e Alcorcón
Galegas e madrileñas (AD Alcorcón) estrearanse mañá formando parte do Subgrupo B, con 9 equipos, tras os últimos cambios de calendario, xunto a Universidad de Alicante, Rayo Majadahonda, FSF Móstoles, Xaloc Alacant e Sala Zaragoza, ademais dos recentemente ascendidos Intersala Promesas Zaragoza e Melilla Sport Capital Torreblanca.
“É algo que eu nunca vivín deportivamente; en Italia, por exemplo, é un formato máis habitual. Témonos que axustar, estamos nunha pandemia, e isto é o que nos toca vivir”, reflexionaba Bea Mateos sobre as novidades de formato desta tempada, ante o reto inicial, unha primeira fase que finalizará o 13 de marzo.
Bea Mateos, futbolista do Burela sobre a AD Alcorcón: “É un equipo moi completo, que ten todas as súas liñas ben cubertas. Non sei se será o mesmo de Málaga, pero sabemos que é un rival moi agresivo, con moita facilidade de gol. Temos que traballar frear eses aspectos”
O primeiro obxectivo será a pista de Alcorcón. “É un equipo moi completo, que ten todas as súas liñas ben cubertas. Non sei se será o mesmo de Málaga, pero sabemos que é un rival moi agresivo, con moita facilidade de gol. Temos que traballar frear eses aspectos”, advertía a 14 burelista.
A futbolista do Pescados Rubén Burela, Bea Mateos, trasladaba nas súas declaracións previas ao partido o desexo do grupo de poñer sobre a pista todo o traballo dos dous últimos meses con tres amigables e un test de Copa Galicia: “Traballamos moi ben, foi unha pretempada moi longa”.
Bea Mateos, futbolista do Burela: “Traballamos moi ben, foi unha pretempada moi longa”
“Toda a nosa evolución reflectiuse nos partidos; aos poucos imos encaixando mellor”, valoraba a ala-peche, antes do enfrontamento ao Alcorcón, que recala despois de medirse a Futsi no Memorial Félix Aranda, nun encontro de moitos goles (8-5).
As galegas va a por todas
Unha nova tempada empeza con todos os soños e metas por diante; iso Bea Mateos teno moi claro. “Creo que este é un equipo feito para gañar, para ir a por todos os títulos e para defendelos todos. A nosa meta é sumar de tres en tres e oxalá poidamos repetir todos os títulos do ano pasado. Esta semana é de competición e nótase; non traballamos con todos o efectivos pero estamos preparadas para empezar ao cento por cento” aseguraba a salmantina.
Bea Mateos, xogadora do Burela: “Este é un equipo feito para gañar, para ir a por todos os títulos e para defendelos todos. A nosa meta é sumar de tres en tres e oxalá poidamos repetir todos os títulos do ano pasado”
🗣️ Previa | Las campeonas visitan a las subcampeonas, @ADAlcorconFSF, en la 1ª Jornada de Primera Femenina #RFEF mañana a las 18.00 H.@bmgalache: “Es un equipo muy agresivo, y tiene mucha facilidad de gol”.#Burela #Futsal @SomosFutsal #FutsalHeart🧡 pic.twitter.com/dEXBO7L8yH
— Pescados Rubén Burela FS (@burelafs) October 16, 2020
A expedición puxo rumbo a terras madrileñas esta mañá con todo o vestiario dispoñible, a excecpión de Cely, por un edema articular no xeonllo que a mantén afastada desde hai semanas.
As internacionais Ale de Paz e Jenny, que se mediron como rivais nos amigables desta semana en Quinta dos Lombos entre España e Portugal, incorporáronse aos adestramentos. Tamén regresa Peque, despois de non poder gozar do partido de semifinais de XIV Copa Galicia o sábado, por unha luxación de ombreiro sufrida nun amigable fronte a Ourense Envialia.
