Victoria FC e Deportivo ABANCA “B” disputan este sábado (17.00 horas) o último partido da primeira volta na 1.ª Nacional Femenina no campo de Santa Isabel. O equipo compostelán ven de encadear catro vitorias consecutivas e sumar tres novos puntos lle permitiría ascender ata a terceira posición da táboa. Con só dous puntos de diferenza entre o conxunto herculino (3.º con 25) e o santiagués (4.º con 23) o partido promete emocións fortes entre dúas das plantillas que mellor fútbol practican nesta categoría.
Así o entende unha das veteranas do Victoria FC, Alba Torres (10-02-1996) que confirma que o equipo compostelán chega ao encontro “animicamente moi ben despois dos tres partidos seguidos gañando e iso tense que notar, ademais xogamos na casa e hai que facerse fortes no noso campo”. A centrocampista confirma que o rival “é un equipo moi forte, novato na categoría pero se está aí arriba é porque o merece” pero “é un partido importante para nós é temos que ir a por todas”.
Con só dous puntos de distancia na clasificación entre o Victoria FC e o Dépor B, empatados en goles a favor (32) e en contra (12) entende Alba que as compostelás deben facer valer “a forza do conxunto, sabemos a qué xogamos, iso é importante, todas cremos en que debemos intentar facer un bo xogo para ter o maior número de ocasións para así convertelas en gol e iso ó final nótase”.
A centrocampista engade: “É verdade que perdimos puntos na casa que non deberiamos ter deixado escapar, porque nos faltou intentalo, competilo, que tamén fai falla pois non só chega con facer un bo xogo se non compites”, acepta a xogadora que cumpre o seu quinto ano no clube. “Pero vimos dos tres triunfos e con máis gañas que nunca de volver a gañar”, apunta.
Alba Torres, xogadora do Victoria FC
“É verdade que perdimos puntos na casa que non deberiamos ter deixado escapar, porque nos faltou intentalo, competilo, que tamén fai falla pois non só chega con facer un bo xogo se non compites”
A xornada terá tamén outro gran duelo co enfrontamento entre o primero clasificado da Liga, o Viajes Interrías (33 puntos) e o segundo, o CD Monte (28) o que permitirá ó vencedor en Santa Isabel poder acercarse se cabe tamén ó grupo de cabeza. “Ambos equipos son fortes, fan moi ben as cousas e seguro será un partido moi bonito”, acepta Alba que, sen embargo, di que é pronto para dicir “quen é o mellor equipo da Liga”.
A xogadora do Victoria FC anima á xente a acercarse ata Santa Isabel a “animar, a disfrutar dun bo partido, que aquí tamén temos fútbol feminino do bo”. “Nós intentaremos gañar e recortar puntos cos de arriba”, insiste e para iso sabe que “hai que seguir xogando na mesma liña dos últimos partidos, dar o máximo, deixarémonos todo no campo, e ó final se facemos o que sabemos, con convicción e a tope lograremos o triunfo”.
