O Ulla Oil Rosalía non poderá contar para o seguinte partido coa súa 13, Alba Rama. A xogadora compostelá mancouse no nocello ao comezar o último partido disputado de LF2, ante o Celta Zorka Recalvi e está de baixa por lesión.
Este mércores, Rama foi intervida con éxito da súa rotura do tendón de Aquiles da súa perna esquerda. Polo de agora, nin club nin xogadora especificaron cal será o seu período de baixa pola lesión, pero desde o Rosalía indican que o máis probable é que ao longo deste xoves reciba a alta médica.
Así mesmo, o club compostelán desexoulle á branca unha pronta recuperación da lesión. O Rosalía tamén agradeceu todo o apoio mostrado polo mundo do baloncesto, desde compañeiras como Sara Corredoira ou Ángela González e o seu adestrador, Chiqui Barros, ata clubs rivais como o Celta, Barakaldo, Maristas ou ADBA e a propia afección.
muchas gracias a todos por el apoyo, así se lleva todo mucho mejor familia!!❤️💪🏼 https://t.co/COEMcFrptE
— Alba Rama (@albaricoquee13_) January 13, 2021
