O Durán Maquinaria Ensino renova a Alba Prieto para a tempada 2021/2022 na LF Endesa. A escolta andaluza cumprirá así a súa segunda campaña na cidade de Lugo, feliz por “poder formar parte deste novo proxecto”.
A sevillana foi durante a liga regular a segunda máxima asistente do equipo galego, só por detrás de Aleksandra Stanacev, a mellor da competición neste apartado. Nos cuartos do play-off, a escolta foi a segunda máxima anotadora do Ensino desde o tiro libre, sumando 18 puntos, e a primeira nos triplos, sendo a terceira da competición cunha media de acerto do 66,67%.
En total, ao longo da tempada Prieto disputou 33 partidos, sumando case 800 minutos sobre a pista e con 176 puntos anotados para o club galego. A andaluza destacou especialmente no tiro libre, onde ten unha porcentaxe de acerto do 71,9%.
Alba Prieto: “Esperámosvos a todos no Pazo”
De cara ao seguinte curso, a xogadora declarou estar “súper feliz de anunciar a miña renovación co Durán Maquinaria Ensino e a cidade de Lugo. Creo que vai ser un novo proxecto moi ilusionante e cargado de retos”. Tamén tivo unha mensaxe para a afección: “Esperámosvos a todos no Pazo”.
Hoy tenemos noticia. NOTICIÓN más bien, que nos llega de la mano de @CimbaliOfficial y Grupo Leche Río…. Y es que confirmamos una nueva renovación…💃💃💃 pic.twitter.com/o2qzDftOfi
— Ensino Lugo (@EnsinoLugoCB) May 18, 2021
