Alba Merino continuará no Dépor ABANCA. Como xa se prevía coa fin da tempada 2020/2021, a xogadora natural de Badajoz seguirá competindo nas filas branquiazuis na vindeira campaña.
“Onde te queiran e te valoren. Aí é”, declarou a propia extremeña ante o anuncio da súa fichaxe.
A centrocampista, unha das capitás do equipo, cumprirá así a súa cuarta tempada como deportivista, ao renovar por un ano máis.
Donde te quieran y te valoren. Ahí es!
💙🤍💙🤍💙🤍💙🤍💙🤍 https://t.co/EqdByOwD6K— Alba Merino Sánchez (@albameri10) July 5, 2021
Os números de Alba Merino
En total, Alba Merino leva disputados 75 partidos oficiais co Dépor ABANCA, sendo a novena xogadora no ránking histórico. Nestes duelos, a futbolista anotou 29 goles, a sexta máxima anotadora.
Con 12 tantos, Merino é a terceira máxima goleadora deportivista das dúas tempadas na Primera Iberdrola, só por detrás de Peke e Gaby, con 24 e 16 respectivamente.
Malia a súa lesión de fractura de clavícula na tempada 2019/2020, a extremeña é a quinta xogadora con máis minutos disputados co club herculino na máxima categoría, nun total de 49 encontros.
Alba Merino é xa unha veterá do fútbol español. O seu debut chegou aos 14 anos, co CF Puebla, no 2003, converténdose na xogadora máis xoven da Primera División. Desde entón, só deixou de xogar na máxima categoría unha tempada, no histórico ascenso do Dépor ABANCA, do que foi unha das principais artífices.
Ademais, a centrocampista tamén foi internacional sub19, no curso 2006/2007. Na súa carreira profesional, a xogadora pasou por clubs como o CF Puebla (2003-2007), Atlético de Madrid (2007-2011), Levante UD (2011-2017) e Santa Teresa CD (2017-2018), antes de recalar nas filas coruñesas.
Soa María Sampalo
O Dépor ABANCA aínda non anunciou ningunha fichaxe de maneira oficial, pero prevese a chegada da gardameta María Sampalo ao equipo de Manu Sánchez.
A xornalista Rocío Candal asegura desde riazor.org, que a porteira, procedente do Madrid CFF, será unha das caras novas que pisarán o verde de Abegondo na vindeira campaña.
A xogadora de 21 anos competiu no Sporting Huelva, co que debutou con 15 anos, no Málaga, EDF Logroño, Osasuna e o xa mencionado Madrid CFF, onde actuaba como segunda porteira.
A propia futbolistas despediuse do Madrid CFF nunha publicación no seu Instagram.
Ver esta publicación en Instagram
Sampalo chegará para cubrir unha posición necesitada de reforzos, tras as saídas de Esther Sullastres e Noe Bermúdez.
Ademais, segundo informa a propia xornalista, a renovación de Eva Dios, canteira revelación no club herculino, está practicamente asegurada.
