A futbolista estremeña Alba Merino di adeus ao Dépor ABANCA logo de catro anos de traxectoria conxunta. Despídese da afección a través das redes sociais. “Teríame gustado despedirme doutro xeito pero nin sequera me deron a opción”, explica a deportista que asegura tamén: “por desgraza, coido que levantar a voz segue a molestar. Aínda así, volvería actuar do mesmo xeito unha e mil veces seguindo os meus principios e valores”, escribe a futbolista.
Das verbas da deportistas, xa ex deportivista, despréndese o seu malestar polo xeito no que recibiu a nova da súa non continuidade no equipo branquiazul. Explica a súa sorpresa argumentando que hai un mes nunha reunión lle traslararan “que contan comigo para a próxima tempada, que son unha xogadora moi importante dentro do equipo, que me viron en boas condicións no meu regreso despois da lesión e que sería unha xogadora diferencial a próxima tempada”.
Alba Merino asegura que recibiu a nova o pasado xoves á mañá por teléfono a través dunha chamada do director xeral do club, David Villasuso. “Esta mesma persoa, uns meses atrás, díxome ata en dúas ocasións que podería estar no club o tempo que quixese”, asegura a futbolista estremeña que manifesta no seu comunicado de despedida que teríalle gustado que a elástica branquiazul fose a última que tivese defendido na súa carreira deportiva.
O texto de despedida que fixo público Alba Merino di así:
Ola deportivistas!Sinto comunicarvos que separamos os nosos camiños a próxima tempada.Os que me coñecedes, sabedes realmente o sentimento que teño por este equipo, por esta cidade e por esta afección. Aquí volvín gozar do fútbol e aquí volvín crecer deportivamente cando pensei que non podería facelo máis. Quero que quede claro que a miña intención como cada ano, sempre foi a de continuar aquí. De feito, pensei que a camiseta do Depor sería a última camiseta que defendería, pero lamentablemente non puido ser.Mil grazas por todas as mostras de apoio e agarimo recibida por todos vós durante estes anos. Non atoparía palabras para describir á afección do Depor. É impresionante e que afortunada síntome de podelos gozar durante estes catro anos. Grazas.Marcho coa conciencia moi, moi tranquila, deixeime todo dentro e fóra do terreo de xogo e pódovos asegurar que sentín e defendín esta camiseta e este escudo coma se levase aquí toda a vida.Gustoume despedirme doutra maneira, pero nin sequera déronme a opción.Na mañá do xoves pasado, púxose en contacto comigo o director xeral do club, David Villasuso, para comunicarme mediante unha chamada telefónica que non contan comigo para a próxima tempada, porque segundo el e a dirección deportiva, xa non son importante no equipo e cren que non vou render da mesma maneira que o viña facendo. Esta mesma persoa, uns meses atrás díxome ata en dúas ocasións que podería estar no club o tempo que quixese.Unha decisión que me sorprende bastante porque nunha reunión con Rocío Candal hai practicamente un mes, dime que contan comigo para a próxima tempada, que son unha xogadora moi importante dentro do equipo, que me viron en boas condicións no meu regreso despois da lesión e que sería unha xogadora diferencial a próxima tempada.Por desgraza, coido que levantar a voz segue molestando. Aínda así, volvería actuar da mesma maneira unha e mil veces máis, seguindo os meus principios e valores…Non me estendo máis, darei as grazas unha por unha a todas as persoas do club que me levo para sempre destes catro marabillosos anos.GRAZAS E FORZA DEPORAlba Merino
Ver esta publicación en Instagram
