O día de onte trouxo unha de cal e outra de area para o Dépor. Tras a eliminación copeira ante o FC Barcelona chegou a boa nova do éxito na operación de Alba Merino. A extremeña foi intervida cirurxicamente con éxito durante o día de onte polo Doutor Carrero no Hospital Quirónsalud A Coruña da fractura que sufriu na súa clavícula dereita no transcurso do encontro da Liga Iberdrola ante a Real Sociedad en Abegondo o pasado 19 de febreiro.
A centrocampista do Deportivo ABANCA permanecerá ingresada no citado centro hospitalaria ata o día de hoxe e terá que estar inmobilizada dúas semanas. A continuación, iniciará tratamento de fisioterapia e rehabilitación a cargo dos Servizos Médicos do RC Deportivo.
